الماتىدا قر اقپارات جەنە قوعامدىق دامۋ مينيسترٸ دەۋرەن اباەۆتىڭ قاتىسۋىمەن «قازاقستان رەسپۋبليكاسىندا بەيبٸت جينالىستار, شەرۋ, پيكەتتەر, دەمونستراتسييالىق جينالىستاردى ٶتكٸزۋ مەن ۇيىمداستىرۋ تەرتٸبٸ تۋرالى» جاڭا زاڭ جوباسى قوعامدىق كەڭەستە تالقىلاندى, دەپ حابارلايدى قازاقپارات تٸلشٸسٸ.
وتىرىسقا قاتىسقان ساراپشىلار جاڭا زاڭ جوباسى تۋرالى ويلارىن بٸلدٸردٸ.
ساياساتتانۋشى ايدوس سارىم بۇعان دەيٸنگٸ ەسكٸ زاڭدى ٶزگەرتۋ قاجەتتٸگٸ تۋعاندىعىن ايتتى.
«وسى كەزگە دەيٸنگٸ 1995 جىلعى زاڭدا اكتسييالار, بەيبٸت شەرۋلەر دەگەننٸڭ ەشبٸر تٷرٸ, تٷسٸ دەگەن بولمايتىن. پيكەتكە شىقسا دا, باسقاعا شىقسا دا 100 ادام, 5000 ادام شىقسا دا بارلىعى بٸردەي سيپاتتالاتىن. وسى ورايدا زاڭ شىعارۋ ورگاندارىنا بەرگەن ۇسىنىستا وسى مەسەلەنٸ ەدەيٸ تٸزدٸك. ەكٸنشٸ مەسەلە, قازٸرگٸ جاڭا زاڭدا 250 ادام قاتىساتىن دٷنيەلەرگە ارنايى رۇقسات سۇراۋ قاجەت جوق. بٸزدٸڭ قازٸرگٸ قوعامدىق ديسكۋسسييا, داۋ-دامايدىڭ بەرٸ سول 1-2 سٶزدٸڭ اينالاسىندا تۇر. رۇقسات بەرۋ دەگەن سيياقتى. نەگٸزٸ بۇل زاڭدىق داۋ ەمەس, ساياسي داۋ سيياقتى», - دەدٸ ول.
ساياساتتانۋشى جاڭا زاڭدا بەيبٸت شەرۋلەرگە قاتىستى ۇيىمداستىرۋشىلاردىڭ, قاتىسۋشىلاردىڭ مٸندەتتەرٸ مەن قۇقىقتارى ايقىندالا تٷسكەنٸن ايتتى.
«زاڭدى تالقىلاعان كەزدە قر ٸٸم, جەرگٸلٸكتٸ ماسليحاتتاردىڭ تاعى باسقا ورگانداردىڭ جۇمىسى رەتتەلۋٸ تيٸس. بولاشاقتا ميتينگ ۇيىمداستىرۋ ٷيرەنشٸكتٸ نەرسەگە اينالادى. «ويباي, اناۋ ميتينگ ٶتكٸزٸپتٸ» دەپ تاڭ قالمايتىن بولامىز, ٶيتكەنٸ ونى ەكٸنٸڭ بٸرٸ ٶتكٸزەتٸن بولادى», - دەدٸ ول.
