Ujymdyq qaýipsizdik týraly shart uiymyndaǵy (UQShU - ODKB) Qazaqstan Resei tarapy «ásker ber» dep mindetteme júktese, bas tarta almai qalýy múmkin be? Bul suraqqa búgin Májilis depýtaty Aidos Sarym jaýap berdi, dep habarlaidy Ulysmedia.kz tilshisi.
«ODKB degen - ýaqytsha uiym. Kezinde sonyń arqasynda Qazaqstan óziniń biraz máselesin sheship aldy. Shekarasyn bekitti. Biraq, shyn máninde, ol - qundylyqtarǵa negizdelgen uiym emes. Máselen, kúni keshe Samarqanda Shanhai Yntymaqtastyǵy uiymynyń otyrysy bolyp jatty. Dál sol sátte qyrǵyz ben tájik prezidentteri shai iship otyr. Biraq eki eldiń armiiasy sol kezde soǵysyp jatyr. Keshe Armeniiada qaita-qaita miting ótip, «uiymnan shyǵaiyq, Amerikaǵa tabynaiyq» degen áńgimeler shyǵa bastady. Iaǵni ortaq qundylyq joq. Máselen, bir-birine qundylyqtary jaqyn memleketter kezinde NATO-ny qurdy. Al ODKB quramyndaǵy 6 eldiń 6 túrli múddesi, maqsaty bar. Sondyqtan, menińshe túbi TMD uiymy sekildi bolady. TMD sheńberinde myńdaǵan qaýly men sheshim shyqqan. Biraq sonyń eshqaisysyn birde-bir tarap oryndap jatqan joq», - deidi Aidos Sarym.
Depýtattyń aitýynsha, UQShU-ǵa qaraǵanda, Shanhai yntymaqtastyq uiymy men Aziiadaǵy ózara is-qimyl jáne senim sharalary jónindegi keńes sekildi uiymdardyń bolashaǵy yqpaldyraq.
