Aidos Sarym men Erlan Sairov «Birgemiz» qory qamqorshylyq keńesiniń quramyna kirdi, dep habarlaidy "Ult aqparat" qordyń baspasóz qyzmetine silteme jasap.
Elordada Elbasy Nursultan Nazarbaevtyń bastamasymen koronavirýsqa qarsy kúres jaǵdaiynda muqtaj azamattardy qoldaý maqsatynda qurylǵan «Birgemiz» qoǵamdyq qory qamqorshylyq keńesiniń kezekti otyrysy ótti.
Qamqorshylyq keńesiniń tóraǵasy, «Nur Otan» partiiasy Tóraǵasynyń Birinshi orynbasary Baýyrjan Baibek Qamqorshylyq keńesiniń jańa múshelerin tanystyra kele, Aidos Sarym men Erlan Sairovtyń Prezident janyndaǵy qoǵamdyq senim keńesiniń bedeldi músheleri jáne belgili qoǵam qairatkerleri ekenin atap ótti.
«Aidos Sarym - Almaty qalasy qoǵamdyq keńesiniń múshesi. Ol «Baqytty otbasy - Almaty» qorynyń jumysyn uiymdastyrýǵa belsene aralasty jáne osy qordyń qamqorshylyq keńesiniń múshesi retinde kópbalaly analarǵa materialdyq kómek kórsetýde ákimdikke járdemdesti. Onyń mol tájiribesi jańadan qurylǵan qor úshin asa baǵaly. Erlan Sairovqa keler bolsaq, ol árqashan bizdiń partiiamyzdyń áleýmettik bastamalaryna belsendi qoldaý kórsetip keledi. Jaqynda ǵana ol erikti retinde pandemiia jaǵdaiynda muqtaj adamdarǵa azyq-túlik jetkizýge qatysty. Biz onyń osyndai adamgershilik qasietin de joǵary baǵalaiyz», - dedi B.Baibek.
Sondai-aq, ol qordyń qyzmetine azamattyq qoǵamnyń bedeldi ókilderiniń qatysýy, onyń tiimdiligi men transparenttiligin arttyrýǵa yqpal etetinine senim bildirdi.
