QR Parlamenti Májilisiniń depýtaty Aidos Sarym Memleket basshysynyń jańa Joldaýyna qatysty pikir bildirdi, dep habarlaidy QazAqparat.
«Qańtar oqiǵasynan keiin kópshiliktiń kóńilinde endigi eldiń jaǵdaiy ne bolady? degen saýal týyndady. Biraq, ózderińiz kórip júrgendei qańtar oqiǵasynan keiin Prezidenttiń halyq aldyna ózi shyǵyp, jaǵdaidy jetkizýi kóptegen kúmán, daqpyrt pen qaýesetti joqqa shyǵardy. Sońǵy saiasi oqiǵalarǵa bailanysty qoǵamda kútpegen jaǵdailar bolyp jatyr. Osyndai jaǵdaida ekonomikany damytý úshin, jańa saiasi reformalar qajet. Keshegi joldaý sonyń kýási. Óitkeni, bizdiń baiqap otyrmyz Qazaqstannyń ekonomikalyq damý modeli óziniń shegine jetti. Bizge odan ári damý úshin jańa energiia kózi kerek», - dedi Aidos Sarym ortalyq kommýnikatsiialar qyzmeti alańynda ótken dóńgelek ústelde.
Májilis depýtatynyń aitýynsha, Prezidenttiń jańa Joldaýyndaǵy basty qýantarlyq dúnieniń biri jańa oblys ortalyqtarynyń qurylýy.
«Jańadan qurylǵan 3 oblystyń jyry 25 jyl boiy aitylyp kele jatqan jait. Jańa oblys bolý sol aimaqta turyp jatqan halyqtyń eńsesin kóterip, bolashaqqa degen senimin kúsheitti. Osy jáne ózge de saiasi reformalar elimizde qalyptasqan saiasi básekelestik erejelerin qaita jasaqtady desek bolady. Mundaǵy maqsat - saiasi alańdy jańartý, ishki saiasat alańyna jańa oiynshylardyń kelýine múmkindik berý. Endi bizge Memleket basshysy jiktep birgen jaittardy iske asyrýymyz qaldy. Máseleni Konstitýtsiiaǵa ózgerister engizýden bastaý kerek oilaimyn», - deidi ol.
