Almatyda ótip jatqan boks keshinde qazaqstandyq boksshy Aidar Sháribaev ispan boksshysy Hýan Okýramen judyryqtasyp, jeńiske jetti.
Jekpe-jek teń dárejede bastaldy. Ispan boksshysy jii soqqy jumsaǵanmen, jerlesimiz saýatty qorǵana bildi. Aidar sát saiyn shabýyl jasap, Okýranyń osal tusyn izdep baqty. Alaida qos boksshy da birin-biri ala almai, alty raýndqa deiin aiqasty. Sońǵy raýndqa deiin tartysyp, talas taǵdyryn tóreshiler sheshti. Qazylardyń sheshimimen, jeńis qazaqstandyq boksshyǵa berildi.
Bul kezdesý Aidardyń tórtinshi jekpe-jegi. Ol jaqynda ǵana grýziialyq boksshy Zaza Amiradzeni birinshi raýndta-aq tehnikalyq nokaýtpen utqan bolatyn.
Aita ketsek, búgingi boks keshinde alǵash bop sharshy alańǵa kóterilgen qazaqstandyq kásipqoi boksshy Juman Jumabekov belarýs boksshysy Vladimir Ivanovty aiqyn basymdyqpen jeńdi.
"Ult aqparat"
