الماتىدا ٶتٸپ جاتقان بوكس كەشٸندە قازاقستاندىق بوكسشى ايدار شەرٸباەۆ يسپان بوكسشىسى حۋان وكۋرامەن جۇدىرىقتاسىپ, جەڭٸسكە جەتتٸ.
جەكپە-جەك تەڭ دەرەجەدە باستالدى. يسپان بوكسشىسى جيٸ سوققى جۇمساعانمەن, جەرلەسٸمٸز ساۋاتتى قورعانا بٸلدٸ. ايدار سەت سايىن شابۋىل جاساپ, وكۋرانىڭ وسال تۇسىن ٸزدەپ باقتى. الايدا قوس بوكسشى دا بٸرٸن-بٸرٸ الا الماي, التى راۋندقا دەيٸن ايقاستى. سوڭعى راۋندقا دەيٸن تارتىسىپ, تالاس تاعدىرىن تٶرەشٸلەر شەشتٸ. قازىلاردىڭ شەشٸمٸمەن, جەڭٸس قازاقستاندىق بوكسشىعا بەرٸلدٸ.
بۇل كەزدەسۋ ايداردىڭ تٶرتٸنشٸ جەكپە-جەگٸ. ول جاقىندا عانا گرۋزييالىق بوكسشى زازا اميرادزەنٸ بٸرٸنشٸ راۋندتا-اق تەحنيكالىق نوكاۋتپەن ۇتقان بولاتىن.
ايتا كەتسەك, بٷگٸنگٸ بوكس كەشٸندە العاش بوپ شارشى الاڭعا كٶتەرٸلگەن قازاقستاندىق كەسٸپقوي بوكسشى جۇمان جۇمابەكوۆ بەلارۋس بوكسشىسى ۆلاديمير يۆانوۆتى ايقىن باسىمدىقپەن جەڭدٸ.
"ۇلت اقپارات"
