Foto: ashyq derekkóz
Aidana Medenova YouTube jelisine video jariialap, oqyrmandaryna mańyzdy sheshim qabyldaǵanyn aitty, dep habarlaidy Ult.kz.
Osydan biraz jyl buryn sahnamen qoshtasyp ketken ánshi osy jyldar arasynda kóptegen qiyndyqty bastan keshirgenin jetkizdi. Kúieýi Alisher ekeýi shoý-biznesten ketken soń, túrli jumysty istep kórgen. Keibirinde tabysqa jetse, keibirinde joldary bolmaǵan.
Sondai-aq ánshi ákesiniń qazasynan keiin án aitýǵa degen qalaýy sónip qalǵanyn jetkizdi jáne onyń hidjabqa qatysy bolmaǵanyn aitty. Bul 3 jylǵa sozylǵan. Al endi ol sahnaǵa qaita oralýǵa sheshim qabyldaǵan.
"Ár nárse óz ýaqytynda dep oilaimyn. Bireý túsiner, bireý túsinbes, biraq shyndyq osy. Men ol kezde án aitýdy qalamadym. Bar ýaqytymdy rýhani damýǵa, ózime, januiama, densaýlyǵyma arnaǵym keldi. Endi men sahnaǵa oralamyn. Ózime, ánderime, shyǵarmashylyǵyma oralamyn. Bálkim kóp kontsertke qatyspaimyn. Ózime keletin formattarda boi kórsetsem deimin. Ol uzatý toiy bolýy múmkin, memlekettik kontsertter bolýy múmkin. Ózimniń janrymda, ózime unaityn ánderimdi oryndasam deimin. Shyǵarmashylyǵymdy jalǵastyramyn", - dedi ol.
