Foto: Aqorda
Aibek Smadiiarov Qazaqstan prezidentiniń baspasóz hatshysy bolyp taǵaiyndaldy. Sonymen qatar ol memleket basshysy Qasym-Jomart Toqaevtyń keńesshisi qyzmetin de atqarady, dep habarlaidy Ult.kz.
Osyǵan deiin prezidenttiń kómekshisi – baspasóz hatshysy qyzmetin atqarǵan Rýslan Jeldibai laýazymynan bosatyldy. Ol bul qyzmetke 2025 jyldyń qyrkúiek aiynda taǵaiyndalǵan bolatyn.
Eske salaiyq, buǵan deiin Aibek Smadiiarov Qazaqstan Respýblikasy Prezidentiniń Ákimshiligi Ishki saiasat bóliminiń meńgerýshisi qyzmetin atqarǵan. Ol bul laýazymǵa byltyr 15 jeltoqsanda taǵaiyndalǵan bolatyn.
Sondai-aq Aibek Smadiiarov 6 jeltoqsanda Qazaqstan Respýblikasynyń Syrtqy ister ministrligi resmi ókili qyzmetinen ketken edi. Ol bul qyzmetke 2018 jyly taǵaiyndalyp, bir jyldan keiin Halyqaralyq aqparat komiteti tóraǵasynyń orynbasary boldy. 2023 jylǵy maýsymnan bastap Syrtqy ister ministrliginiń Kommýnikatsiialar departamentin basqarǵan.
