27 qańtarda Qazaqstannyń birqatar óńirinde aýa raiynyń qolaisyzdyǵyna bailanysty juma kúni sabaqtar ótkizilmeitin boldy, dep habarlaidy Ult.kz tilshisi QazAqparat agenttigine silteme jasap.
Astanada 27 qańtarda aýa raiynyń kolaisyzdyǵyna bailanysty (qatty aiaz) qala mektepteriniń birinshi jáne ekinshi aýysymyndaǵy 0-11 (12) synyp oqýshylaryna jáne kolledjderdiń 1-2 kýrs stýdentteri úshin sabaq bolmaidy.
Almatyda 27 qańtarda temperatýranyń -25 gradýsqa tómendeýine bailanysty mektepterde 5-11 synyptarǵa sabaq bolmaidy. Al, qalada 1-den 4 synypqa deiingi oqýshylar aptasyna bes kún ǵana oqidy. Qaraǵandy oblysynda 27 qańtarda qatty aiazǵa bailanysty barlyq mektepterde sabaqtar toqtatyldy. Aýa temperatýrasy -33-35 gradýsqa deiin sýytyp, jeldiń jyldamdyǵy sekýndyna 9-14 metr bolady dep kútilýde. 0-11 synyp aralyǵyndaǵy birinshi jáne ekinshi aýysymda oqityn oqýshylardyń barlyǵy sabaqtan bosatylady.
Pavlodar oblysynda 27 qańtarda birinshi aýysymda oqityn 1-11 synyp oqýshylaryna jáne kolledjderdiń 1, 2 kýrs stýdentterine sabaq ótkizilmeidi. Aýa temperatýrasy minýs 35 gradýs.
Qostanaida minýs 28 gradýs qatty aiazǵa bailanysty birinshi aýysymda oqityn 0-9 synyptaǵylarǵa sabaq ótkizilmeidi.
Basqa oblystardan sabaqtarǵa qatysty aqparat ázirge kelip túspedi.
