Qyzylordada avtobýs aialdamasynda kólik qaǵyp ketip kóz jumǵandardyń otbasylaryna kómek kórsetiledi. Bul týraly OKQ-da ótken baspasóz máslihatynda aimaq basshysy Qýanyshbek Ysqaqov málim etti, dep habarlaidy "Ult aqparat".
«Biz Nur-Sultanǵa ushyp bara jatqan kezde osyndai qaiǵyly oqiǵa tirkeldi. Kólik tizginine ie bola almaǵan júrgizýshi aialdamaǵa soǵylyp, sonda turǵan bes adamdy qaǵyp ketti. Oqiǵa ornynda úsh adam qaitys bolyp, bir adam aýrýhanada jan tapsyrdy. Men óz atymnan kóńil aityp, jaǵdaiyn bilip qaitý úshin orynbasarlarym men ákim apparatynyń basshysyn jiberdim. Biz týystaryna mindetti túrde materialdyq kómek kórsetemiz. Qiyn jaǵdaida adamdar bir-birine qol ushyn sozýy kerek», - dedi Qýanyshbek Ysqaqov OKQ-da ótken baspasóz máslihatynda.
Onyń aitýynsha, apatqa kináli júrgizýshige qatysty quqyq qorǵaý organdary is júrgizip jatyr.
Esterińizge sala ketelik, jol apaty keshe saǵat 09.15 shamasynda Nazarbaev dańǵyly boiynda bolǵan. «Toiota Kamri» markaly avtokóligi «Mercedes-Benz» kóligin sol qaptalynan kelip soqqan. Saldarynan «Toiota Kamri» júrgizýshisi kóliginiń tizginine ie bola almai, avtobýs aialdamasynda turǵan adamdardy basyp ketken.
Oqiǵadan zardap shekken 10 jasar bala men 31 jastaǵy áiel balalar jáne qalalyq aýrýhananyń jansaqtaý bólimine jatqyzyldy. Qyzylorda oblystyq Densaýlyq saqtaý basqarmasynyń bas mamany Aibek Myrzaǵulov ekeýiniń de jaǵdaiy óte aýyr ekenin aitqan bolatyn bolatyn.
Kóz jumǵan úsh oqýshy da Qyzylorda qalasyndaǵy №12 orta mektepte bilim alǵan. Nurislam Zaýrbek pen Nurdáýlet Kenjebai atalǵan mekteptiń besinshi synybynda oqysa, Káýsar Zaýyrbek úshinshi synypta oqyǵan.
Keiin jol-kólik oqiǵasy kezinde zardap shekken taǵy bir adamnyń kóz jumǵany habarlandy.
