Findik Fennovoima energiia kompaniiasy Reseidiń «Rosatom» kompaniiasynan salynbai qalǵan «Hanhikivi-1» AES jobasyna qatysty arbitraj boiynsha 2 mlrd eýro shamasynda qarajat talap etpek. Ol jaily Fennovoima bas direktory Ioahim Shpeht málim etti, dep habarlaidy Ulysmedia.kz portaly Helsingin Sanomat aqparat kózine silteme jasap.
2 mlrd eýronyń 800 mln eýrosyn Fennovoima avans retinde «Rosatomnyń» findik qurylymy RAOS Project-ke aýdarǵan.
Shpeht «Rosatomnyń» 2022 jyldyń basynda fin tarapyn jumystyń ýaqytsha toqtatylatynyn eskertkenin habarlady. Osyǵan bailanysty qurylys jumystaryn birneshe jylǵa shegerý yqtimaldyǵy týyndaǵan. Fennovoima basshysy Finliandiianyń AES qurylysynan bas tartýynyń basty sebebi retinde osy faktordy atady.
«Rosatom» fin kompaniiasynyń sheshimine narazylyq bildirip jatyr. Ol kompaniianyń jobany toqtatý týraly sheshimniń «aktsionerler deńgeiinde talqysyz» qabyldanǵanyna kóńili tolmai jatyr. Atalǵan aktsionerlerdiń biri – RAOS Voima. Ol 100% «Rosatomǵa» tiesili.
