فيندٸك Fennovoima ەنەرگييا كومپانيياسى رەسەيدٸڭ «روساتوم» كومپانيياسىنان سالىنباي قالعان «حانحيكيۆي-1» اەس جوباسىنا قاتىستى اربيتراج بويىنشا 2 ملرد ەۋرو شاماسىندا قاراجات تالاپ ەتپەك. ول جايلى Fennovoima باس ديرەكتورى يواحيم شپەحت مەلٸم ەتتٸ, دەپ حابارلايدى Ulysmedia.kz پورتالى Helsingin Sanomat اقپارات كٶزٸنە سٸلتەمە جاساپ.
2 ملرد ەۋرونىڭ 800 ملن ەۋروسىن Fennovoima اۆانس رەتٸندە «روساتومنىڭ» فيندٸك قۇرىلىمى RAOS Project-كە اۋدارعان.
شپەحت «روساتومنىڭ» 2022 جىلدىڭ باسىندا فين تاراپىن جۇمىستىڭ ۋاقىتشا توقتاتىلاتىنىن ەسكەرتكەنٸن حابارلادى. وسىعان بايلانىستى قۇرىلىس جۇمىستارىن بٸرنەشە جىلعا شەگەرۋ ىقتيمالدىعى تۋىنداعان. Fennovoima باسشىسى فينلياندييانىڭ اەس قۇرىلىسىنان باس تارتۋىنىڭ باستى سەبەبٸ رەتٸندە وسى فاكتوردى اتادى.
«روساتوم» فين كومپانيياسىنىڭ شەشٸمٸنە نارازىلىق بٸلدٸرٸپ جاتىر. ول كومپانييانىڭ جوبانى توقتاتۋ تۋرالى شەشٸمنٸڭ «اكتسيونەرلەر دەڭگەيٸندە تالقىسىز» قابىلدانعانىنا كٶڭٸلٸ تولماي جاتىر. اتالعان اكتسيونەرلەردٸڭ بٸرٸ – RAOS Voima. ول 100% «روساتومعا» تيەسٸلٸ.
