Foto: elements.envato.com
Ishki ister ministri Marat Ahmetjanov qandai jaǵdaida qazaqstandyqtarǵa balaǵat sóz aitqany úshin aiyppul salynatynyn túsindirdi, dep habarlaidy Sputnik Qazaqstan.
Onyń aitýynsha, balaǵat sózderdiń kvalifikatsiialyq belgileri bar.
"Iaǵni eger boǵaýyz sóilegen adam shynymen qoǵamdyq tártipti buzǵan bolsa, qoǵamdy syilamaýshylyq baiqalsa ákimshilik jazaǵa tartylady. Bul jerde buzaqynyń bylapyt sózderinen ar-namysyna nuqsan kelgen jábirlenýshi bolýy kerek. Aiaǵyńa balǵa qulap, boqtap jiberse, bul qoǵamdyq tártipti buzý bolyp sanalmaidy", - dep túsindirdi Ahmetjanov Úkimet kýlýarynda.
Ministr qoǵamdyq oryndarda bylapyt sóz aitqan adam laiyq jazasyn alatynyn atap ótti. Eske salsaq, 6 naýryzdan bastap Qazaqstanda qoǵamdyq oryndarda balaǵat sóz aitqany úshin salynatyn aiyppuldyń mólsheri ósti. Buǵan deiin aiyppul mólsheri 5 AEK (17 250 teńge) bolsa, endi – 20 AEK (69 000 teńge).
Sondai-aq áleýmettik jelidegi bylapyt sózder úshin de jaýapkershilik bar. Áleýmettik jelilerde aitylǵan balaǵat sóz qoǵamdyq oryndarda nemese ainalasyndaǵylarǵa syilamaýshylyq tanytyp, azamattardyń tynyshtyǵyn buzsa, ol úshin jaýapkershilik usaq buzaqylyq babymen qarastyrylady.
