Shyǵys Qazaqstan oblysy Aiagóz qalasyndaǵy arnaiy áleýmettik kómek ortalyǵynda 4 balanyń kóz jumýyna qatysty jańa málimetter belgili boldy, dep habarlaidy "Ult aqparat".
Onlai-brifing barysynda oblys ákiminiń orynbasary Álisher Marhabat aimaq basshysy Danial Ahmetovtiń tapsyrmasymen qurylǵan vedomstvoaralyq komissiia músheleri is materialdarymen tanysý úshin balalar ortalyǵyna barǵanyn aitty.
«Komissiia músheleri meditsinalyq qujattamany jáne beinebaqylaý kameralaryna túsirilgen jazbalardy túgel qarap shyqty. Anyqtalǵandai, balalar bir ýaqytta qaitys bolmaǵan. Ólimge ártúrli týa bitken aýrýlardyń bir ai ishinde asqynyp ketýi sebep bolyp otyr», - deidi Álisher Marhabat.
Onyń aitýynsha, alǵashqy ólim oqiǵasy 2 sáýirde bolǵan. Ol kezde 12 jastaǵy bala kóz jumǵan. Odan keiingi jaǵdailar 12 sáýirde (12 jasar bala), 20 sáýirde (14 jastaǵy bala) jáne atalǵan aidyń sońynda (8 jasar qyz) tirkeldi.
«Dárigerlerdiń tujyrymyna sáikes, balalar óliminiń qyzylshaǵa esh qatysy joq. Buny dáleldeitin meditsinalyq anyqtamalar men aktiler bar. Komissiia jumysynyń negizinde ishki ister organdary oqiǵaǵa qatysty qylmystyq is qozǵady. Sondai-aq jumys barysynda meditsinalyq qujattardy júrgizý kezindegi zańbuzýshylyqtar anyqtaldy. Osyǵan bailanysty ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti qosymsha tekseris júrgizýde», - deidi oblys ákiminiń orynbasary.
Álisher Marhabat zańbuzýshylyqqa jol bergen laýazymdy tulǵalar tiisti organdardyń tekserý nátijelerine bailanysty jaýapkershilikke tartylatynyn aitty. Sonymen qatar ol ortalyqtyń direktory, onyń orynbasary men bólim basshylarynyń jazaǵa tartylǵanyn málim etti.
Esterińizge sala ketsek, osyǵan deiin Aiagózdegi áleýmettik kómek ortalyǵynda 4 balanyń qaitys bolǵandyǵy habarlandy. QR Ishki ister ministrligi istiń tergelýin óz baqylaýyna aldy.
Osy oqiǵadan keiin QR Eńbek jáne halyqty áleýmettik qorǵaý ministrligi elimizdiń ár óńirinde ornalasqan meditsinalyq-áleýmettik kómek kórsetetin 113 mekemege tekserý júrgiziletinin málim etti. Onyń ishinde Aiagózdegi balalarǵa arnalǵan arnaiy áleýmettik kómek ortalyǵy bar.
