Aiagózdegi áleýmettik kómek ortalyǵyn Óskemenge kóshirý múmkindigin qarastyrý qajet. Bul týraly búgin onlain formatynda ótken vedomstvoaralyq komissiia otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
Shyǵys Qazaqstan oblysy Aiagóz qalasyndaǵy arnaiy áleýmettik kómek ortalyǵynda 4 balanyń ólimine qatysty jait qaralǵan otyrys barysynda ministri mundai problema elimizdiń basqa da dál osyndai mekemelerinde baiqalatyndyǵyn jetkizdi. Sonymen qatar ol otyrysta aitylǵan barlyq usynystar munan ary qaralyp, oryndalýy úshin hattamǵa engiziletindigin atap ótti.
«Vedomstvoaralyq komissiia atynan Shyǵys Qazaqstan oblysynyń ákimdigine mekemeni oblys ortalyǵyna kóshirý nusqalaryn qarastyrýdy tapsyramyn. Ol iri qaladan 400 shaqyrym shalǵaida bolǵan kezde balalardyń densaýlyǵy úshin úlken táýekelder oryn alady. Sonymen qatar kámeletke tolmaǵandar isi jónindegi komissiia qyzmetin de jandandyrý qajet. Munan bólek, úkimettik emes uiymdardyń, azamattyq sektordyń ókilderin tarta otyryp, meditsinalyq-áleýmettik mekemelerdiń, balalar men qarttar úileriniń ǵimarattaryna keshendi tekserý júrgizý qajet dep esepteimiz. Sondai-aq qoǵamdyq baqylaý institýtyn damytýǵa jalǵastyrý kerek», - dedi Ashat Aimaǵambetov.
