Foto: Aikyn.kz
Aiagóz qalasynda órtengen úiden tórt balanyń máiiti tabyldy, dep habarlaidy "Ult aqparat" Abai oblysy ákimdiginiń baspasóz qyzmetine silteme jasap.
25 qazanda saǵat 10:49-da TJB kúshteri men quraldaryn jedel basqarý ortalyǵynyń pýltine Aiagóz qalasynyń jeke úileriniń birinde tútin shyqqandyǵy týraly signal kelip túsken. 6 adamnan turatyn qutqarýshylar brigadasy dereý sol jerge barǵan.
"Órt sóndirýshiler oqiǵa ornyna kelgennen keiin bólmelerdiń birinde 20 sharshy metr aýmaqtaǵy jihazdar men jeke zattary janǵany anyqtaldy. Órt saǵat 11:10-da oqshaýlanyp, 11.24-ge tolyq sóndirildi. Órttiń sebebi anyqtalyp jatyr.
Oqiǵa ornynda tórt balanyń denesi tabyldy.
Ólimniń sebebi anyqtalýda. Tiisti saraptama taǵaiyndalyp, politsiia tergeý júrgizip jatyr" - delingen habarlamada.
Ákimdik málimetinshe, qazirgi ýaqytta otbasy múshelerine barlyq qajetti kómek kórsetilýde. Jaǵdai JAO baqylaýynda.
