فوتو: Aikyn.kz
اياگٶز قالاسىندا ٶرتەنگەن ٷيدەن تٶرت بالانىڭ مەيٸتٸ تابىلدى, دەپ حابارلايدى "ۇلت اقپارات" اباي وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
25 قازاندا ساعات 10:49-دا تجب كٷشتەرٸ مەن قۇرالدارىن جەدەل باسقارۋ ورتالىعىنىڭ پۋلتٸنە اياگٶز قالاسىنىڭ جەكە ٷيلەرٸنٸڭ بٸرٸندە تٷتٸن شىققاندىعى تۋرالى سيگنال كەلٸپ تٷسكەن. 6 ادامنان تۇراتىن قۇتقارۋشىلار بريگاداسى دەرەۋ سول جەرگە بارعان.
"ٶرت سٶندٸرۋشٸلەر وقيعا ورنىنا كەلگەننەن كەيٸن بٶلمەلەردٸڭ بٸرٸندە 20 شارشى مەتر اۋماقتاعى جيھازدار مەن جەكە زاتتارى جانعانى انىقتالدى. ٶرت ساعات 11:10-دا وقشاۋلانىپ, 11.24-گە تولىق سٶندٸرٸلدٸ. ٶرتتٸڭ سەبەبٸ انىقتالىپ جاتىر.
وقيعا ورنىندا تٶرت بالانىڭ دەنەسٸ تابىلدى.
ٶلٸمنٸڭ سەبەبٸ انىقتالۋدا. تيٸستٸ ساراپتاما تاعايىندالىپ, پوليتسييا تەرگەۋ جٷرگٸزٸپ جاتىر" - دەلٸنگەن حابارلامادا.
ەكٸمدٸك مەلٸمەتٸنشە, قازٸرگٸ ۋاقىتتا وتباسى مٷشەلەرٸنە بارلىق قاجەتتٸ كٶمەك كٶرسەتٸلۋدە. جاعداي جاو باقىلاۋىندا.
