Qordyń negizgi qyzmetten túsetin tabysy 31 protsentke ósti. Al debitorlyq qaryzdyń kólemi 80 protsentke azaidy, dep xabarlaidy QazAqparat tilshisi.
«Samuryq-Qazyna» AQ basqarma tóraǵasy Axmetjan Esimovtyń aitýynsha, ótken jyly atqarylǵan jumystyń nátijesinde qorǵa kiretin kompaniialardyń qarjylyq turaqtylyǵy arta tústi. Osynyń arqasynda qordyń jalpy qaryzy 1 trillion teńgege deiin tómendedi.
«Bizdiń syrtqy qaryzymyz 3,2 milliard dollarǵa azaidy. Al debitorlyq qaryz 80 protsentke - 331 milliardtan 66 milliard teńgege tómendedi. Sóitip, negizgi qyzmetten túsetin tabystyń kólemi 31 protsentke ósip, 8,3 trillion teńgeni qurady. Taza tabysymyz 37 prootsentke kóterilip, 820 milliard teńgege jetti. Al operatsiialyq tabys 1 trillionnnan asty», - dedi A.Esimov qordyń búgingi keńesinde.
Onyń sózine qaraǵanda, «QazMunaiGaz» kompaniiasy 1,6 milliard dollardyń eýroobligatsiialaryn sátti ótep shyqty. Al «Samuryq-Energo» kompaniiasy 50 milliard teńgeniń qaryzynan qutyldy.
«Atalǵan sharalardyń arqasynda QazMunaiGaz ben Samuryq-Energo qarjylai táýkelderi bar qyzyl zonadan shyqty. Ótken jyldyń basynda atalǵan zonada úsh kompaniia boldy. Endi, bireýi ǵana qaldy», - dep atap kórsetti A.Esimov.
