قوردىڭ نەگٸزگٸ قىزمەتتەن تٷسەتٸن تابىسى 31 پروتسەنتكە ٶستٸ. ال دەبيتورلىق قارىزدىڭ كٶلەمٸ 80 پروتسەنتكە ازايدى, دەپ xابارلايدى قازاقپارات تٸلشٸسٸ.
«سامۇرىق-قازىنا» اق باسقارما تٶراعاسى اxمەتجان ەسٸموۆتىڭ ايتۋىنشا, ٶتكەن جىلى اتقارىلعان جۇمىستىڭ نەتيجەسٸندە قورعا كٸرەتٸن كومپانييالاردىڭ قارجىلىق تۇراقتىلىعى ارتا تٷستٸ. وسىنىڭ ارقاسىندا قوردىڭ جالپى قارىزى 1 تريلليون تەڭگەگە دەيٸن تٶمەندەدٸ.
«بٸزدٸڭ سىرتقى قارىزىمىز 3,2 ميلليارد دوللارعا ازايدى. ال دەبيتورلىق قارىز 80 پروتسەنتكە - 331 ميللياردتان 66 ميلليارد تەڭگەگە تٶمەندەدٸ. سٶيتٸپ, نەگٸزگٸ قىزمەتتەن تٷسەتٸن تابىستىڭ كٶلەمٸ 31 پروتسەنتكە ٶسٸپ, 8,3 تريلليون تەڭگەنٸ قۇرادى. تازا تابىسىمىز 37 پرووتسەنتكە كٶتەرٸلٸپ, 820 ميلليارد تەڭگەگە جەتتٸ. ال وپەراتسييالىق تابىس 1 تريلليونننان استى», - دەدٸ ا.ەسٸموۆ قوردىڭ بٷگٸنگٸ كەڭەسٸندە.
ونىڭ سٶزٸنە قاراعاندا, «قازمۇنايگاز» كومپانيياسى 1,6 ميلليارد دوللاردىڭ ەۋرووبليگاتسييالارىن سەتتٸ ٶتەپ شىقتى. ال «سامۇرىق-ەنەرگو» كومپانيياسى 50 ميلليارد تەڭگەنٸڭ قارىزىنان قۇتىلدى.
«اتالعان شارالاردىڭ ارقاسىندا قازمۇنايگاز بەن سامۇرىق-ەنەرگو قارجىلاي تەۋكەلدەرٸ بار قىزىل زونادان شىقتى. ٶتكەن جىلدىڭ باسىندا اتالعان زونادا ٷش كومپانييا بولدى. ەندٸ, بٸرەۋٸ عانا قالدى», - دەپ اتاپ كٶرسەتتٸ ا.ەسٸموۆ.
