Almaty politsiiasy avtobólshekterdi urlaýdy kásipke ainaldyrǵan ákki urylardyń sýretin qoǵamdyq oryndarǵa ilmekshi, dep habarlaidy QazAqparat tilshisi.
Atap aitqanda, buryn ońai olja tappaq bolyp birneshe ret qylmystyq jaýapkershilikke tartylǵan asa ákki 19 «kásibi» urynyń portretin endi kópshilik jaqsy tanityn bolady.
«Bul tizim aqparattyq-taldaý ortalyǵynyń byltyrǵy málimetterine sáikes jasaldy. Ár qylmysker az degende 3 qylmysqa qatysy bar. Olardyń ishinde 1 adam qylmystyq jaýapkershilikke 33 ret tartylǵan. Tájiribe kórsetkendei, urylardyń kópshiligi qamaýdan jazasyn ótep shyqqannan keiin de túzelip ketpeidi. Kóp uzamai eski kásibine qaita kirisedi. Halyq olardyń bet-júzin kórýi tiis. Almaty politsiiasy munyń aldynda osyǵan uqsas format arqyly oń nátijege qol jetkizgen. 2 jyl buryn qoǵamdyq kólikterde, saýda úileriniń aldynda, adam kóp shoǵyrlanǵan jerlerde urylardyń sýreti jariialanǵan bolatyn», - dedi baspasóz qyzmetinen.
Politsiia qylmystylyqpen kúreste qoǵamdyq pikirdi qalyptastyrý oń nátije beretinin jetkizdi.
«Kóbinese bul jumysqa BAQ ókilderin, basqa da áleýmettik kommýnikatsiialyq júieleri paidalanamyz. Osy baǵytta azamattyq qoǵamnyń oinaityn róli óte joǵary. Kez-kelgen qylmysqa qarsy pikir qalyptastyratyn azamattarǵa úlken alǵys», - dedi politsiiadan.
