Almaty qalasynyń prokýratýrasy aqpan aiynda avtosalondardyń qosymsha qyzmetterdi, sondai-aq jańa avtokólikterdi satyp alý kezinde aksessýarlardy qurý zańdylyǵyna taldaý júrgizdi, - dep habarlaidy "Ult aqparat" vedomstvonyń baspasóz qyzmetine silteme jasap.
Prokýrorlar avtosalondardyń mundai áreketi zańǵa qaishy ekenin aityp otyr. Avtosalondar kólikterdi satqanda shyn máninde, bul qyzmetter men kerek-jaraqtardy tutynýshylarǵa júkteidi.
"Qazaqstan Respýblikasy Konstitýtsiiasynyń 26-babyna sáikes monopoliialyq qyzmet zańmen retteledi jáne shekteledi. Josyqsyz básekelestikke tyiym salynady.
"Tutynýshylardyń quqyqtaryn qorǵaý týraly" Qazaqstan Respýblikasy Zańynyń 8-1-babyna sáikes catýshy (oryndaýshy, daiyndaýshy) tutynýshymen jasalǵan sharttarǵa tutynýshynyń quqyqtaryn buzatyn jáne olarǵa qysym jasaityn talaptardy engizbeýge tiis.
Zańnyń 28-babyna sáikes satýshy (daiyndaýshy, oryndaýshy) tutynýshyǵa tiisti sapadaǵy taýarlardy (jumystardy, kórsetiletin qyzmetterdi) tutynýshyǵa yńǵaily ýaqytta erkin tańdaýdy qamtamasyz etýge mindetti. Tutynýshyny qajetsiz mólsherde jáne assortimentte ónimdi (jumysty, kórsetiletin qyzmetti) satyp alýǵa májbúrleýge tyiym salynady", - delingen habarlamada.
