Tsifrlyq damý, innovatsiialar jáne aeroǵarysh ónerkásibi ministrliginiń basshysy Baǵdat Mýsin mamandandyrylǵan halyqqa qyzmet kórsetý ortalyqtaryndaǵy avtokólikti tirkeý rásimi taǵy da jetildirilip, jeńildei túsetinin habarlady. Ministr mamandandyrylǵan HQKO-da adam qarasynyń kóp ekenin, tsifrlyq damý ministrliginiń basty mindeti – qyzmettiń bárin avtomattandyrý ekenin aitty, - dep habarlaidy «Ult aqparat».
Sonymen qatar Baǵdat Mýsin aldaǵy ýaqytta HQKO-ǵa kelýshiler sanyn múmkindiginshe azaitýǵa jumys isteý qajettigin ekenin aityp ótti.
Ministrlik taldaý júrgizip, Nur-Sultan qalasynda resimdeletin avtokóliktiń 30%-ti avtosalonnan satyp alynatynyn anyqtady. Osylaisha turǵyndardyń kólikti HQKO-ǵa baryp tirkemeýi úshin avtosalonda mamandandyrylǵan HQKO buryshyn uiymdastyrylady.
Mýsinniń aitýynsha, avtokólikti tańdaý, bank operatorynyń nesie resimdeýi, HQKO operatorynyń avtokólik kepildigin resimdeýi, memlekettik nómir men tehnikalyq qujatty alý – bári bir jerde, avtosalonda jasalady.
Qaizrdiń ózinde birqatar avtosalonda kelýshilerge osyndai qyzmet kórsetiledi, sonymen qatar ózge avtosalondardy óz klientterine osylai qyzmet kórsetýge shaqyrdy. Ol úshin azamattar azamattarǵa arnalǵan úkimetke habarlasýy kerek.
Bul karantin kezinde, pandemiia jaǵdaiynda adamdardyń áleýmettik qashyqtyqty saqtaýyna jaǵdai jasaý úshin jasalyp otyr. Sonymen qatar ministr kólik júrgizýshileri úshin taǵy bir jańalyqty habarlady. Endi Qamqor qosymshasy arqyly aiyppuldyń bar-joǵyn tekserýge bolady.
Bul pilottyq joba Nur-sultan, Almaty jáne Shymkent qalalaryndaǵy Mercedes-Benz jáne AsterAuto avtosalondarynda jumys isteidi.
Jaqyn arada Almaty men Shymkenttegi ALLURAUTO avtosalonyna tiisti bailanys arnalaryn júrgizý josparlanyp otyr.
Sonymen qatar Qazaqstanda 2020 jyldyń aiaǵyna deiin birqatar mańyzdy qujatty tsifrlyq formatqa kóshirý josparlanyp otyr.
Baǵdat Mýsinniń aitýynsha, Egov-ta (elektrondy úkimet portaly) memlekettik qyzmetterdi alýdy jeńildetý úshin biometriia boiynsha bir qadam arqyly tirkelý júzege asyrylady. Sol arqyly kez kelgen azamat biometriialyq sáikestendirýden ótip, ózine qajetti qyzmetke qol qoia alady. Sol arqyly elektrondy úkimettiń qyzmetin paidalanatyndar sanyn arttyrý kózdelgen.
"Qandai da bir qyzmet alýshylar Egov-qa tirkelgennen keiin, qaǵaz qujattarymen qatar, tsifrlyq qujattar servisin qoldanýǵa múmkindik alady. Bul serviske 2020 jyldyń aiaǵyna deiin joǵary bilim týraly diplom, júrgizýshi kýáligi, avtokóliktiń tehnikalyq qujaty, jeke tólqujat, stýdenttik bilet jáne taǵy basqa qujatty shyǵarý josparlanyp otyr", - dedi Mýsin.
Aita keteiik, memleket basshysy Qasym-Jomart Toqaev 2020 jylǵy Qazaqstan halqyna Joldaýynda azamattarǵa jaǵdai jasaý úshin tólemderdi tsifrlandyrý boiynsha sharalar qabyldaýdy tapsyrdy. Sonymen qatar tsifrlyq áleýmettik ámiian engizý kerek ekenin aitty.
