Almatyda qalalyq máslihattyń kezekti sessiiasy ótip jatyr. Onda 2020-2022 jyldarǵa arnalǵan qala biýdjeti týraly másele qaraldy, dep habarlaidy QazAqparat.
«Avtobýstardy jyl saiyn satyp alatyn bolamyz. Bizge bir myńnan astam qoǵamdyq kólik qajet. Qazir bir partiiasyn satyp aldyq, jeke parkter jańartylyp jatyr. Biýdjetten sýbsidiiaǵa qomaqty qarjy bólýdemiz. Osyǵan súiene otyryp, avtobýs parkterinen avtobýstardyń ekologiialyq taza bolýyn qamtamasyz etýdi talap etemiz. Bul degenimiz qoǵamdyq kólikter gazben nemese elektr negizinde jumys isteýi kerek», - dedi Almaty qalasynyń ákimi Baqytjan Saǵyntaev máslihat otyrysynda.
Sonymen qatar, qala basshysy qoldanystaǵy trolleibýs jelileri jańartylatynyn aitty.
«Qoldanystaǵy barlyq jelilerdi tolyq modernizatsiialaýdan ótkizemiz. Bizdiń basty maqsatymyz – elektroavtobýstardy iske qosý. Taiaý ýaqytta barlyq elder birtindep elektroavtobýstaryna aýysady», - dedi ol.
