الماتىدا قالالىق مەسليحاتتىڭ كەزەكتٸ سەسسيياسى ٶتٸپ جاتىر. وندا 2020-2022 جىلدارعا ارنالعان قالا بيۋدجەتٸ تۋرالى مەسەلە قارالدى, دەپ حابارلايدى قازاقپارات.
«اۆتوبۋستاردى جىل سايىن ساتىپ الاتىن بولامىز. بٸزگە بٸر مىڭنان استام قوعامدىق كٶلٸك قاجەت. قازٸر بٸر پارتيياسىن ساتىپ الدىق, جەكە پاركتەر جاڭارتىلىپ جاتىر. بيۋدجەتتەن سۋبسيديياعا قوماقتى قارجى بٶلۋدەمٸز. وسىعان سٷيەنە وتىرىپ, اۆتوبۋس پاركتەرٸنەن اۆتوبۋستاردىڭ ەكولوگييالىق تازا بولۋىن قامتاماسىز ەتۋدٸ تالاپ ەتەمٸز. بۇل دەگەنٸمٸز قوعامدىق كٶلٸكتەر گازبەن نەمەسە ەلەكتر نەگٸزٸندە جۇمىس ٸستەۋٸ كەرەك», - دەدٸ الماتى قالاسىنىڭ ەكٸمٸ باقىتجان ساعىنتاەۆ مەسليحات وتىرىسىندا.
سونىمەن قاتار, قالا باسشىسى قولدانىستاعى تروللەيبۋس جەلٸلەرٸ جاڭارتىلاتىنىن ايتتى.
«قولدانىستاعى بارلىق جەلٸلەردٸ تولىق مودەرنيزاتسييالاۋدان ٶتكٸزەمٸز. بٸزدٸڭ باستى ماقساتىمىز – ەلەكترواۆتوبۋستاردى ٸسكە قوسۋ. تاياۋ ۋاقىتتا بارلىق ەلدەر بٸرتٸندەپ ەلەكترواۆتوبۋستارىنا اۋىسادى», - دەدٸ ول.
