13 aqpanda Oralda kóktaiǵaq saldarynan avtobýstar júre almai qaldy. Avtobýs júrgizýshileri mundai jaǵdaida jolǵa shyǵýdan bas tartqanyn aitady, dep habarlaidy "Ult aqparat" Stan.kz aqparat agenttigine silteme jasap.
Oralda kóktaiǵaq saldarynan avtobýs júrgizýshileri jumys isteýden bas tartty.
"Biz bazaǵa keldik, biraq rólge otyrýdan bas tarttyq. Barlyq júrgizýshi bir-birimen bailanysyp, sóilesedi. Aldymen jolaýshylardyń qaýipsizdigin qamtamasyz etsin, qum sepsin, sosyn shyǵamyz. "Al mynadai táýekelge bel býa almaimyz”, – deidi er adam.
Qoǵamdyq kólik bolmaǵandyqtan, taksi baǵasy sharyqtap ketti.
“Masqara! Aialdamada turǵanyma 40 minýt boldy. Bizdiń kommýnaldyq qyzmet nege daiyn emes?” – dedi qala turǵyny Asanáli.
Qalalyq bilim bólimi birinshi aýysymdaǵy sabaqtar qashyqtan oqytý formatyna kóshetinin habarlady. Onyń sebebi – aýa raiynyń qolaisyzdyǵy. Degenmen mektepke kelgen balalar úshin sabaq ótedi.
Qalalyq ákimdik málimetinshe qoǵamdyq kólik jergilikti ýaqyt boiynsha tek 11:00-den bastap júrgen.
