QR Densaýlyq saqtaý ministri Aleksei Tsoi sońǵy ret qashan qoǵamdyq kólikke mingeni týraly tilshiler suraǵyna jaýap berdi, dep habarlaidy QazAqparat.
«Ótken jyly balalarymmen birge avtobýsta júrgen edim. Al qazir ondai múmkindik joq, óitkeni táýlik boiy jumysta júrmiz. Biraq biz qoǵamdyq kólikte jolaýshylar tyǵyzdyǵy boiynsha problema bar ekenin kórip otyrmyz, kei jerde reisterdiń jiiligi sáikes kelmeidi. Bul jumysty árbir ákimdikpen birge júrgizip jatyrmyz jáne jergilikti jerlerdegi naqty jaǵdaidy da bilemiz», - dedi ministr Ortalyq kommýnikatsiialar qyzmetinde ótken brifingte.
Ministr Ashyq qosymshasyna meiramhanalar nege birinshi kezekte qosylǵanyn túsindirdi.
«Munda biz baǵdarlamanyń qyzmet aiasyn keńeitip, qarastyryp jatyrmyz. Biraq basty nazar azamattar maskasyz uzaq ýaqyt otyratyn uiymdarǵa aýdarylady. Nelikten biz meiramhanalardy birinshi kezekte aldyq? Sebebi azamattar ústel ústinde maskasyn sheshedi, aýrý juqtyrý qaýpi bolady. (...) Avtobýstarda maska taǵý rejimi bar. Munda azamattardyń turý uzaqtyǵy tamaqtaný oryndaryndai úlken emes. Biz sondai-aq basqa da nysandardyń Ashyq-qa qosylý múmkindigin qarastyryp jatyrmyz», - dep túiindedi Densaýlyq saqtaý ministri.
