Elorda turǵyny avtobýsta belgisiz er adamnyń 12 jastaǵy qyzyna tiiskenine shaǵymdandy, dep habarlaidy QazAqparat.
Qala turǵyny Instagram paraqshasynda kúdiktiniń sýretin de, videosyn da jariialap otyr.
Onyń jazýynsha, kúdikti qoǵamdyq kólikte qyzynyń jambasynan sipaǵan. Qyzy odan alysqa baryp tursa da, ol qasyna kelip áreketin taǵy qaitalaǵan. Kúdiktini oqýshy qyzdyń anasyna shalǵan videqońyraýy ǵana toqtatqan.
Qyzdyń anasy oryn alǵan oqiǵa jaiynda politsiiaǵa da shaǵym túsirgen. Nur-Sultan qalalyq politsiia departamenti osy shaǵym negizinde kúdiktiniń ustalǵanyn málimdep otyr.
«2022 jyldyń 19 mamyry kúni saǵat 20:12-de «Saryarqa» aýdandyq politsiia basqarmasyna qoǵamdyq kólikte kámelettik jasqa tolmaǵan qyzǵa tiisken belgisiz er adamǵa qatysty shara qoldaný týraly shaǵym tústi. Qazirgi ýaqytta atalǵan adam ustalyp, tergeý amaldary júrgizilip jatyr», - dep málimdedi departamentten.
