QR memlekettik bas sanitarlyq dárigeri Aijan Esmaǵambetova avtobýs júrgizýshileri men jolaýshylarǵa qoiylǵan sanitarlyq talaptar týraly aitty, dep habarlaidy QazAqparat.
«Birqatar óńirde qoǵamdyq kólikterdiń qatynai bastaýyna bailanysty 10 mamyrda jaryq kórgen Qaýlymda mindetti talap bar. Ol - qoǵamdyq kólikte mindetti túrde maska taǵýdy kózdeidi. Qoǵamdyq kólik tuiyqtalǵan keńistik jáne jolaýshy bastapqydan sońǵy aialdamaǵa deiin barynsha uzaq júrýi múmkin. Koronavirýs infektsiiasy óte jyldam taraitynyn bilemiz. Iaǵni, virýs joǵary túidekti ári tez juǵady. Sondyqtan qoǵamdyq kólikte maska taǵý mindetti bolýy tiis», - dedi bas sanitarlyq dáriger Ortalyq kommýnikatsiialar qyzmetindegi brifingte.
Onyń atap ótýinshe, bul talap avtobýstar júrgizýshilerine de qatysty. Buǵan qosa, qoǵamdyq kólikterde zalalsyzdandyrý jumystarynyń júrgizilýi saqtalyp, barlyq esikteri mindetti túrde ashylýy tiis.
«Búginde qoǵamdyq kólikter toly bolmaýy tiistigi týraly talap qoiyp otyrmyz. Jolaýshylar áleýmettik ara qashyqtyq saqtaý normasyn múmkindiginshe oryndaýy úshin jaǵdai jasalýy qajet. Iaǵni, avtobýstarda oryndyqtary ǵana toly bolýy kerek», - dedi Aijan Esmaǵambetova.
