"Formýla-1" kóshbasshylarynyń biri Karlos Sainstyń kóligi Avstriiada ótip jatqan Gran-pri jarysynda órtenip ketti. Oqiǵa jarystyń aiaqtalýyna 13 ainalym qalǵanda boldy, - dep habarlaidy Tengrinews.kz.
Jarystyń 58 ainalymynda Ferrari júrgizýshisi Sains komandalasy Sharl Leklermen Red Bull júrgizýshi Maks Ferstappennen keiin úshinshi kele jatqan. Alaida ol jarys jolynan shyǵyp ketken. Avtokólik qozǵaltqyshy toqtaǵannan keiin birden jana bastaidy. Kólikti toqtatýǵa tyrysqan Sains uzaq ýaqyt boiy róldi jibermei, janyp jatqan kóliktiń ishinde otyrǵan.
Keiin ol qutqarý tobymen dóńgelekti burap, kólikti toqtatyp úlgerdi. Osydan keiin ǵana Sains kólikten shyqty.
Sains jaraqat almaǵanymen jarystan ketýge májbúr boldy.
"Qozǵaltqyshta aqaý bolýy múmkin degen belgi bolǵan joq - bári kenetten boldy. Qazir aitarǵa sózim joq - men kóp upai joǵalttym, komandamen tamasha nátijege qoljetkize alar edik - biz jeńis dýblin ońai alar edik. Kólik órtendi, sondyqtan shyǵyn aýyr. Jaǵdaidyń sebepterin túsiný kerek. Mundai nátijeni qabyldap, jańa paraq ashýdan basqa amalym joq", - dep keltiredi f1news.ru júrgizýshiniń sózin.
Aita keteiik, onyń áriptesi Charlz Lekler "Formýla-1" kóshbasshysy Maks Ferstappendi basyp ozyp, jarysta jeńiske jetti.
