"فورمۋلا-1" كٶشباسشىلارىنىڭ بٸرٸ كارلوس ساينستىڭ كٶلٸگٸ اۆسترييادا ٶتٸپ جاتقان گران-پري جارىسىندا ٶرتەنٸپ كەتتٸ. وقيعا جارىستىڭ اياقتالۋىنا 13 اينالىم قالعاندا بولدى, - دەپ حابارلايدى Tengrinews.kz.
جارىستىڭ 58 اينالىمىندا Ferrari جٷرگٸزۋشٸسٸ ساينس كوماندالاسى شارل لەكلەرمەن Red Bull جٷرگٸزۋشٸ ماكس فەرستاپپەننەن كەيٸن ٷشٸنشٸ كەلە جاتقان. الايدا ول جارىس جولىنان شىعىپ كەتكەن. اۆتوكٶلٸك قوزعالتقىشى توقتاعاننان كەيٸن بٸردەن جانا باستايدى. كٶلٸكتٸ توقتاتۋعا تىرىسقان ساينس ۇزاق ۋاقىت بويى رٶلدٸ جٸبەرمەي, جانىپ جاتقان كٶلٸكتٸڭ ٸشٸندە وتىرعان.
كەيٸن ول قۇتقارۋ توبىمەن دٶڭگەلەكتٸ بۇراپ, كٶلٸكتٸ توقتاتىپ ٷلگەردٸ. وسىدان كەيٸن عانا ساينس كٶلٸكتەن شىقتى.
ساينس جاراقات الماعانىمەن جارىستان كەتۋگە مەجبٷر بولدى.
"قوزعالتقىشتا اقاۋ بولۋى مٷمكٸن دەگەن بەلگٸ بولعان جوق - بەرٸ كەنەتتەن بولدى. قازٸر ايتارعا سٶزٸم جوق - مەن كٶپ ۇپاي جوعالتتىم, كوماندامەن تاماشا نەتيجەگە قولجەتكٸزە الار ەدٸك - بٸز جەڭٸس دۋبلٸن وڭاي الار ەدٸك. كٶلٸك ٶرتەندٸ, سوندىقتان شىعىن اۋىر. جاعدايدىڭ سەبەپتەرٸن تٷسٸنۋ كەرەك. مۇنداي نەتيجەنٸ قابىلداپ, جاڭا پاراق اشۋدان باسقا امالىم جوق", - دەپ كەلتٸرەدٸ f1news.ru جٷرگٸزۋشٸنٸڭ سٶزٸن.
ايتا كەتەيٸك, ونىڭ ەرٸپتەسٸ چارلز لەكلەر "فورمۋلا-1" كٶشباسشىسى ماكس فەرستاپپەندٸ باسىپ وزىپ, جارىستا جەڭٸسكە جەتتٸ.
