Avstraliia búkil qurlyqty jalmaǵan tilsiz jaýmen tynymsyz kúres júrgizip jatyr. Aýa temperatýrasynyń joǵarylyǵy men qurǵaqshylyq órtti tipti órshitip tur, dep habarlaidy BBC.
Avstraliianyń órtten japa shekken aýdandaryna jańbyr jaýa bastady. Aýa temperatýrasy da tómendegen. Dese de, sheneýnikter órttiń tyń serpinmen órshýi múmkin ekenin eskertedi. Tilsiz jaýdy aýyzdyqtaý syzyǵyn bekemdep alý úshin qutqarýshylar aýa temperatýrasynyń tómendeýin sátti paidalanyp qalýǵa tyrysyp jatyr.
Jańbyr Sidneiden Melbýrnǵa deiingi shyǵys jaǵalaýǵa jaýǵan. BBC-diń habarlaýynsha, Jańa Ońtústik Ýelstiń keibir bóliginde ótpeli jaýyn júrip ótken. Jańbyr sýynyń quramyna kúie sińip ketken. Jaýyn osydan qap-qara bolyp jaýyp tur.
Sheneýnikterdiń málimdeýinshe, jumaǵa qarai aýa temperatýrasy qaitadan shuǵyl kóteriledi. Olardyń aqparatyna sai, Viktoriia men Jańa Ońtústik Ýelstegi órt qosylyp ketip, ahýal tipti ýshyǵýy múmkin.
Avstraliiada aýanyń lastanýy qaýipti jaǵdaida qalyp otyr. Eldegi saqtandyrý keńesi keltirilgen shyǵynǵa bailanysty qyrkúiekte órt bastalǵaly beri 700 mln avstraliialyq dollar (369 mln fýnt sterling) somasyna 9 myń saqtandyrý talaby satylǵanyn málimdedi.
Qazynashy Djosh Fridenbergtiń ABC-ǵa bergen habarlamasyna sai, órttiń ekonomikalyq shyǵyny jaily birdeńe deýge áli erte. Qyrkúiekte 25 adam men millionǵa tarta jan-janýar kóz jumyp, 2 myńǵa tarta úi jermen-jeksen bolǵan.
Al premer-ministr Skott Morrison aldaǵy eki jylda órt shyǵynyn qalpyna keltirý úshin 2 mlrd avstraliialyq dollar (1,4 mlrd dollar; 1,1 mlrd fýnt) bólinetinin málim etti.
