2025 jyldyń 5–6 qarashasynda Almaty qalasy aviatsiia mamandyǵynyń bolashaǵyn aiqyndaityn mańyzdy pikirtalastar alańyna ainaldy. Munda IKAO EUR/NAT óńirlik aviatsiialyq personaldy daiarlaý jáne jumys kúshin josparlaý jónindegi seminary ótti. Is-sharany «Qazaeronavigatsiia» RMK IKAO-nyń Eýropa jáne Soltústik Atlantika óńirlik biýrosymen birlesip, Qazaqstan Respýblikasy Kólik ministrliginiń Azamattyq aviatsiia komitetiniń qoldaýymen uiymdastyrdy.
Seminarǵa Eýropa, Aziia jáne TMD elderiniń aviatsiia ákimshilikterinen, áýe kompaniialarynan, oqý oryndarynan jáne halyqaralyq uiymdarynan júzden astam ókil qatysty. Eki kún boiy sarapshylar búgin de, erteń de suranysqa ie bolatyn aviatsiia mamandaryn qalai daiarlaý kerektigin talqylady.
«Aviatsiia salasyndaǵy basty syn-tegeýrin – tehnologiia emes, adam. Saladaǵy qaýipsizdik, turaqtylyq pen innovatsiia mamandardy qalai daiarlap, damytatynymyzǵa bailanysty», – dep atap ótti IKAO EUR/NAT óńirlik direktory Nikolia Rallo.
Talqylaýdyń negizgi ózegi IKAO aiqyndaǵan tórt strategiialyq baǵyt boldy:
aimaqtyq deńgeide daǵdylardy monitoringteý jáne kadrlyq qajettilikterdi boljaý;
tehnologiialyq ózgerister jaǵdaiynda úzdiksiz oqytý mádenietin qalyptastyrý;
NGAP baǵdarlamasy (Next Generation of Aviation Professionals) aiasynda jastardyń aviatsiia damýyna qatysýyn keńeitý;
Oqý ortalyqtary, áýe kompaniialary jáne retteýshi organdar arasyndaǵy áriptestik pen tájiribe almasý.
Baǵdarlama interaktivti pikirtalastardy, “Sky Talk” formatyndaǵy qysqa talqylaýlardy jáne JAA TO, ACI World, Airbus Helicopters Kazakhstan Engineering, Air Astana, QAZAQ AIR, ENAC, EUROCONTROL jáne basqa da jetekshi uiymdardyń basshylary qatysqan sessiialardy qamtydy.
Jas mamandarǵa erekshe nazar aýdaryldy. “Aviatsiianyń bolashaq daýystary” atty sektsiiada stýdentter men jas mamandar óz oilarymen, salaǵa degen kózqarasymen jáne kútilimderimen bólisti.
«Biz jastardyń aviatsiiada jumys isteýdi ǵana emes, ony jaqsartýǵa úles qosýdy qalaitynyn kóremiz. Bizdiń mindetimiz – olardyń damýyna múmkindik pen jaǵdai jasaý», – dedi JAA TO bas direktory Paýla V. de Almeida.
Almatynyń seminar ótkizý alańy retinde tańdalýy Qazaqstannyń aviatsiialyq bilim berý jáne halyqaralyq yntymaqtastyqty damytýdaǵy ósip kele jatqan rólin kórsetedi. Búginde el IKAO-nyń jahandyq bastamalaryna belsendi qatysyp, aviatsiialyq kadrlardy daiarlaý infraqurylymyn damytyp, aimaqtyq áriptestermen tájiribe almasýda.
Seminardyń ótýi Qazaqstannyń aimaqtyq quzyretter ortalyǵy jáne aviatsiianyń bolashaǵyn qalyptastyrýdaǵy senimdi seriktes retindegi mártebesin taǵy bir márte rastady.
