Foto: "IZVESTIIa" gazeti
Eýraziialyq ekonomikalyq odaqtyń kedendik aýmaǵynan tys jerlerge Qazaqstannan munaidyń jekelegen túrlerin eksporttaýǵa tyiym salý týraly Energetika ministriniń buiryǵy kúshine endi, dep habarlaidy QazAqparat.
«Osy buiryqqa jalǵanǵan qosymshaǵa sáikes munai ónimderiniń jekelegen túrlerin Eýraziialyq ekonomikalyq odaqtyń kedendik aýmaǵynyń sheginen tys jerlerge Qazaqstan Respýblikasynyń aýmaǵynan áketýge 2024 jylǵy 31 jeltoqsanǵa deiingi merzimge tyiym salý engizilsin. Osy buiryqtyń oryndalýyn baqylaý jetekshilik etetin Qazaqstan Respýblikasynyń energetika vitse-ministrine júktelsin», - delingen kúshine engen buiryqta.
Endi Qazaqstannan EAEO-dan tys jerlerge myna munai ónimderin eksporttaýǵa tyiym salyndy:
- jeńil distilliattar;
- aviakerosinder jáne dizel otyny;
- gazoildar;
- tolýol, ksiloldar;
- munai bitýmy.
Bul shekteý Qazaqstannyń ishki naraǵyndaǵy munai ónimderi tapshylyǵynyń aldyn alý maqsatynda engizilgen.
