Pavlodar oblysynyń qylmystyq ister jónindegi mamandandyrylǵan aýdanaralyq soty alqabilerdiń qatysýymen dosynyń aýzyna kartop tyǵyndap óltirgen er adamǵa qatysty isti qarady, dep habarlaidy Pavlodarnews.kz saity.
Aýyl turǵyny 2020 jyldyń 17 qyrkúieginde kisi óltirgeni úshin kináli dep tanyldy. Is materialdaryna sáikes, Podstepka aýylynyń turǵyny dosynyń jalǵyz ózi ishimdik ishkeni úshin renjip qalǵan. Tanysyn kereýette mas kúiinde jatqanyn kórgen ol ura jónelgen. Budan keiin eki shiki kartop túinegin alyp, uiyqtap jatqan adamnyń aýzyna bir-birden tyǵyndaǵan. Er adam mehanikalyq asfiksiiadan kóz jumdy.
Prokýror aiyptalýshyny 15 jylǵa bas bostandyǵynan aiyrýdy surady. Sottalýshy men onyń qorǵaýshysy bul qylmysqa qatysy joq ekenin aityp, aqtaý úkimin shyǵarýdy surady.
– Alaida er adam dármensiz kúide jatqan adamdy óltirgeni úshin kináli dep tanyldy. Alqabilerdiń biraýyzdan qabyldaǵan úkimimen 15 jylǵa bas bostandyǵynan aiyrý jazasy taǵaiyndaldy», - dep habarlady oblystyń qylmystyq ister jónindegi mamandandyrylǵan aýdanaralyq sotynyń baspasóz qyzmetinen.
Sottalǵan adam jazasyn qaýipsizdigi barynsha joǵary qylmystyq-atqarý júiesi mekemesinde óteýi tiis.
Úkim áli zańdy kúshine engen joq.
