پاۆلودار وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى القابيلەردٸڭ قاتىسۋىمەن دوسىنىڭ اۋزىنا كارتوپ تىعىنداپ ٶلتٸرگەن ەر ادامعا قاتىستى ٸستٸ قارادى, دەپ حابارلايدى Pavlodarnews.kz سايتى.
اۋىل تۇرعىنى 2020 جىلدىڭ 17 قىركٷيەگٸندە كٸسٸ ٶلتٸرگەنٸ ٷشٸن كٸنەلٸ دەپ تانىلدى. ٸس ماتەريالدارىنا سەيكەس, پودستەپكا اۋىلىنىڭ تۇرعىنى دوسىنىڭ جالعىز ٶزٸ ٸشٸمدٸك ٸشكەنٸ ٷشٸن رەنجٸپ قالعان. تانىسىن كەرەۋەتتە ماس كٷيٸندە جاتقانىن كٶرگەن ول ۇرا جٶنەلگەن. بۇدان كەيٸن ەكٸ شيكٸ كارتوپ تٷينەگٸن الىپ, ۇيىقتاپ جاتقان ادامنىڭ اۋزىنا بٸر-بٸردەن تىعىنداعان. ەر ادام مەحانيكالىق اسفيكسييادان كٶز جۇمدى.
پروكۋرور ايىپتالۋشىنى 15 جىلعا باس بوستاندىعىنان ايىرۋدى سۇرادى. سوتتالۋشى مەن ونىڭ قورعاۋشىسى بۇل قىلمىسقا قاتىسى جوق ەكەنٸن ايتىپ, اقتاۋ ٷكٸمٸن شىعارۋدى سۇرادى.
– الايدا ەر ادام دەرمەنسٸز كٷيدە جاتقان ادامدى ٶلتٸرگەنٸ ٷشٸن كٸنەلٸ دەپ تانىلدى. القابيلەردٸڭ بٸراۋىزدان قابىلداعان ٷكٸمٸمەن 15 جىلعا باس بوستاندىعىنان ايىرۋ جازاسى تاعايىندالدى», - دەپ حابارلادى وبلىستىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ باسپاسٶز قىزمەتٸنەن.
سوتتالعان ادام جازاسىن قاۋٸپسٸزدٸگٸ بارىنشا جوعارى قىلمىستىق-اتقارۋ جٷيەسٸ مەكەمەسٸندە ٶتەۋٸ تيٸس.
ٷكٸم ەلٸ زاڭدى كٷشٸنە ەنگەن جوق.
