Foto: primeminister.kz
Úkimette Premer-ministr Álihan Smaiylovtyń tóraǵalyǵymen Ekonomikany demonopolizatsiialaý jónindegi komissiianyń kezekti otyrysy ótti, - dep habarlaidy "Ult aqparat" primeminister.kz saityna silteme jasap.
Onda aýyr ónerkásip salasyndaǵy aktivterdi memleket menshigine qaitarý jáne júk t/j qyzmetterin kórsetýdiń jekelegen salalaryn demonopolizatsiialaý jónindegi sharalar talqylandy.
Premer-ministr qorytyndy sheshimder qabyldaý úshin jaýapty memlekettik organdar elimizdiń ekonomikalyq múddesin eskere otyryp, otyrysta aitylǵan usynystardy qosymsha pysyqtaýy qajet ekenin atap ótti.
"Memleket basshysy bizden baiypty jáne ádil sheshimder kútedi. Qarastyrylyp otyrǵan árbir jaǵdai boiynsha naqty nátijeler qajet. Osy oraida áriptesterimizden Komissiianyń sheshimderin belgilengen merzimde sapaly túrde pysyqtaýdy qamtamasyz etýdi suraimyn", - dedi Premer-ministr.
Sonymen qatar, qatysýshylar Komissiianyń biylǵy sheshimderiniń oryndalýy týraly esepti tyńdady. 25 otyrystyń qorytyndysy boiynsha 124 tapsyrma berilgen, onyń 93-i oryndaldy, qalǵany oryndalý satysynda.
