Foto: Ashyq derekkóz
Kólik politseileri memleketaralyq izdeýde júrgen sheteldik azamatty ustady, dep habarlaidy Ishki ister ministrligi.
42 jastaǵy kúdiktini kóliktegi politsiia departamentiniń ekstremizmge qarsy is-qimyl basqarmasynyń qyzmetkerleri Taraz stantsiiasyndaǵy jelilik politsiia bóliminiń qyzmetkerlerimen birlesip qolǵa túsirgen.
"Tekserý barysynda ustalǵan azamattyń óz elinde asa aýyr qylmys jasaǵany úshin memleketaralyq izdeýde júrgeni anyqtaldy", - deidi vedomstvo.
Qazirgi ýaqytta kúdikti Shymkent qalasyndaǵy tergeý izoliatoryna qamaýǵa alyndy. Politsiia qyzmetkerleri izdeý jariialaǵan tarapqa habarlady. Qazir ekstraditsiialaý máselesi qaralýda.
