Politsiiaǵa avtokólik quraldarynyń ruqsat etilgen salmaqtyq ólshemderin saqtaýyn baqylaý qyzmeti berilmeidi. Bul jaiynda Májilis depýtattarynyń resmi saýalyna jaýap bergen QR Premer-Ministriniń orynbasary Jeńis Qasymbek aitty, dep habarlaidy "Ult aqparat".
«Elimizdiń avtomobil joldaryn saqtaýdy jaqsartý maqsatynda kólik baqylaý inspektsiiasymen qatar, jol-patrýldik politsiiasyna da Qazaqstan Respýblikasynyń aýmaǵynda avtokólik quraldarynyń ruqsat etilgen salmaqtyq ólshemderdi saqtaýyn baqylaýdy júzege asyrý fýnktsiiasyn berý máselesin qarastyrǵan jón», - delingen Májilis depýtattarynyń saýalynda.
Osyǵan orai Úkimet basshysynyń orynbasary aýyr salmaqty jáne iri avtokólik quraldarynyń júrip ótýine kóliktik baqylaýdy júzege asyrý fýnktsiiasyn berý máselesi Ishki ister ministrliginde múddeli memlekettik organdar deńgeiinde birneshe ret qarastyrylǵanyn atap ótken.
«Jalpy atalǵan fýnktsiialardy IIM-ge berý adami faktorlardyń bolýyn shektei almaidy. Bul kóliktik baqylaýdy júrgizý tiimdiligine áser etpeidi. Sonymen qatar, atalǵan fýnktsiialardy berý quqyq qorǵaý organdaryn tiesili emes fýnktsiialardan bosatý máselesi kózdelgen Qazaqstan Respýblikasy Prezidentiniń 2009 jylǵy 24 tamyzdaǵy №858 Jarlyǵymen bekitilgen Qazaqstan Respýblikasynyń 2010 jyldan 2020 jylǵa deiingi kezeńge arnalǵan quqyqtyq saiasat tujyrymdamasy erejesine qaishy keledi», - dedi Jeńis Qasymbek.
