Aýyr atletikadan Qazaqstan quramasyn jarystardan shettetý týraly sheshim kúshine endi, dep habarlaidy "Ult aqparat". Bul týraly Halyqaralyq aýyr atletika federatsiiasynyń saity jazady.
Derekkóziniń málimetinshe, úsh jáne odan da kóp ret dopingke qarsy zańdy buzǵan 9 qurama komandany resmi jarystarǵa qatysýdan bir jylǵa shettetý týraly sheshim kúshine engen. Olardyń qatarynda Qazaqstannan basqa da Armeniia, Ázerbaijan, Belarýs, Moldava, Resei, Túrkiia jáne Ýkraina qurama komandalary bar. Sondai-aq, 21 kúnniń ishinde halyqaralyq federatsiia sheshimine qarsy shaǵym berýge bolatyn kórinedi.
30 qyrkúiekte Býhareste ótken kezekten tys jiynynda IWF atqarý komiteti joǵaryda atalǵan toǵyz eldiń ulttyq quramalaryn jarysqa qatysýdan bir jylǵa shettetý týraly sheshimdi biraýyzdan qoldaǵan.
Aita keteiik, 2016 jyldyń qarashasynda Halyqaralyq olimpiada komiteti qazaqstandyq aýyr atlet Ilia Ilinniń medaldaryn qaitaryp alǵan edi.
Sonymen qatar, qazaqstandyq ziltemirshi Svetlana Podobedova, Zýlfiia Chinshanlo jáne Maiia Manezalar da altyn medaldarynan aiyrylyp, túrli merzimge jarystardan shettetilgen bolatyn.
