Dohada aýyr atletikadan ótip jatqan Katar kýbogy jarysynda Qazaqstan quramasy alǵashqy medaldi jeńip aldy, dep habarlaidy "Ult aqparat".
Ulttyq olimpiada komiteti málim etkenindei, bul týrnir litsenziialyq bolyp tabylady.
Igor Son 61 kelige deiin salmaqta úzdik nátije kórsetti.
Ol qossaiys qorytyndysynda 278 kg (124+154) kóterip, chempion atandy.
Túrikmenstandyq Seiitjan Mirzaev (270 kg) ekinshi, italiialyq Rýi Davide (270 kg) úshinshi orynǵa ie boldy.
I.Son biylǵy álem chempionatynda 55 kelige deiingi salmaqta óner kórsetip, 266 kg nátijemen kúmis júldeger atanǵan bolatyn.
Qazaqstan aýyr atletika federatsiiasynan alynǵan málimetke qaraǵanda, Katar kýbogynda I.Sonnan basqa taǵy alty qazaqstandyq atlet básekege túsedi. Olar – Denis Ýlanov pen Nijat Rahimov (ekeýi de – 81 kg), Ilia Ilin (96 kg), Ibragim Bersanov (109 kg), Ekaterina Bykova (76 kg) jáne Raýshan Meshithanova (87 kg).
Bul – aýyr atletter úshin biylǵy sońǵy týrnir.
Aita keteiik, dopingke bailanysty belgili oqiǵalardan keiin Qazaqstan quramasy Tokio olimpiadasyna eki-aq (bireýi erler, ekinshisi áielder arasynda) joldamaǵa ie bola alady. Iaǵni quramadan eń úzdik qos atletke ǵana múmkindik beriledi.
