Qazaqstandyq Nurǵisa Ádiletuly aýyr atletikadan Kolýmbiianyń Bogota qalasynda ótip jatqan álem chempionatynda kúmis medalǵa ie boldy, dep habarlaidy "Ult aqparat".
96 kelige deiingi salmaq dárejesinde baq synaǵan otandasymyz qossaiys qorytyndysy boiynsha 383 keli (174+209) kóterdi.
Al, álem chempiony ataǵyn Bahrein atynan shyqqan kolýmbiialyq Lesman Paredes jeńip aldy. Ol qossaiysta 397 kelini (julqa kóterýde – 185 kg, serpe kóterýde – 212 kg) baǵyndyrdy.
Qola júldeni 380 keli (171+209) kótergen kolýmbiialyq Djor Moreno ielendi.
Aita keteri, bul - álem birinshiliginde Qazaqstan qorjynyna túsken ekinshi medal. Buǵan deiin 73 kelige deiingi salmaq dárejesinde Aleksei Chýrkin "qola" jeńip alǵan bolatyn.
