Aýyldyń ahýalyna basa nazar aýdarý qajet. Bul týraly Memleket basshysy Qasym-Jomart Toqaev aitty, dep habarlaidy "Ult aqparat".
«Aýyldyń ahýalyna basa nazar aýdarý qajet. Meniń tapsyrmam boiynsha Jambyl oblysynda aýyl turǵyndarynyń tabysyn arttyrý jónindegi pilottyq joba júzege asyryldy. Nátijesi jaman emes. Aýyl sharýashylyǵy ónimin óndirý 2 esege artty. Mal basy 24 paiyzǵa ósti. Jumyssyzdar, ataýly áleýmettik kómek alatyndar, tirkelmei ózin ózi jumyspen qamtyǵandar sany azaidy. Úkimet bul jobanyń aýqymyn keńeitý múmkindigin qarastyrý kerek», - dedi QR Prezidenti Úkimettiń keńeitilgen otyrysy barysynda.
Memleket basshysy tabyssyz qalǵan azamattarymyzdy qoldaý maqsatymen «Jumyspen Qamtý jol kartasy qabyldanǵanyn atap ótti.
«Bul baǵdarlamaǵa trilliondap qarjy jumsaldy. «Jumyspen qamtý» jol kartasyn júzege asyrý barysynda birqatar kemshilikter boldy. Bul týraly men ótken jiynda atap kórsettim. Soǵan qaramastan biz biyl ákimderdiń ótinishi boiynsha jobany jalǵastyrýdy uiǵardyq. Úkimetke oblys ákimderimen birlesip, jobalardy sapaly túrde júzege asyrýdy tapsyramyn. Byltyrǵy qatelikterdi qaitalaýǵa bolmaidy», - dedi Qasym-Jomart Toqaev.
