اۋىلدىڭ احۋالىنا باسا نازار اۋدارۋ قاجەت. بۇل تۋرالى مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«اۋىلدىڭ احۋالىنا باسا نازار اۋدارۋ قاجەت. مەنٸڭ تاپسىرمام بويىنشا جامبىل وبلىسىندا اۋىل تۇرعىندارىنىڭ تابىسىن ارتتىرۋ جٶنٸندەگٸ پيلوتتىق جوبا جٷزەگە اسىرىلدى. نەتيجەسٸ جامان ەمەس. اۋىل شارۋاشىلىعى ٶنٸمٸن ٶندٸرۋ 2 ەسەگە ارتتى. مال باسى 24 پايىزعا ٶستٸ. جۇمىسسىزدار, اتاۋلى ەلەۋمەتتٸك كٶمەك الاتىندار, تٸركەلمەي ٶزٸن ٶزٸ جۇمىسپەن قامتىعاندار سانى ازايدى. ٷكٸمەت بۇل جوبانىڭ اۋقىمىن كەڭەيتۋ مٷمكٸندٸگٸن قاراستىرۋ كەرەك», - دەدٸ قر پرەزيدەنتٸ ٷكٸمەتتٸڭ كەڭەيتٸلگەن وتىرىسى بارىسىندا.
مەملەكەت باسشىسى تابىسسىز قالعان ازاماتتارىمىزدى قولداۋ ماقساتىمەن «جۇمىسپەن قامتۋ جول كارتاسى قابىلدانعانىن اتاپ ٶتتٸ.
«بۇل باعدارلاماعا تريلليونداپ قارجى جۇمسالدى. «جۇمىسپەن قامتۋ» جول كارتاسىن جٷزەگە اسىرۋ بارىسىندا بٸرقاتار كەمشٸلٸكتەر بولدى. بۇل تۋرالى مەن ٶتكەن جيىندا اتاپ كٶرسەتتٸم. سوعان قاراماستان بٸز بيىل ەكٸمدەردٸڭ ٶتٸنٸشٸ بويىنشا جوبانى جالعاستىرۋدى ۇيعاردىق. ٷكٸمەتكە وبلىس ەكٸمدەرٸمەن بٸرلەسٸپ, جوبالاردى ساپالى تٷردە جٷزەگە اسىرۋدى تاپسىرامىن. بىلتىرعى قاتەلٸكتەردٸ قايتالاۋعا بولمايدى», - دەدٸ قاسىم-جومارت توقاەۆ.
