Telegram messendjerinde qoldanýshylar Aqtóbe oblysynyń aýyldyq aimaqtarynda qaýipti himikattar shashatyny týraly jazyp jatyr. Saldarynan adamdar taǵy da COVID-19 juqtyrady jáne biyl kúzde úkimettiń belgili bir qupiia josparyna sáikes eldiń barlyq óńiri "sary" aimaqqa ótedi eken. Stopfake.kz málimetinshe, bul - jalǵan, - dep habarlaidy "Ult aqparat".
Himikattardy shashý týraly aqparatqa qaýipti zattardy tasymaldaityn júk avtomobili túsirilgen video tirkelgen.
QR DSM sanitarlyq-epidemiologiialyq baqylaý komiteti bul aqparatqa qatysty pikirin bildirdi.
– Bul videoda oblystyń jeke dezinfektsiialaý qyzmetteriniń kúshimen jándikter men ziiankesterge qarsy jasyl jelekterdi óńdeý jumysynyń barysy kórsetilgen. Bul jumys qoldanylatyn preparattardyń reglamentine sáikes keshki jáne túngi ýaqytta júrgiziledi. Óńdeý sharasy Aqtóbe qalasy ákimdiginiń TKSh bólimimen jasalǵan shart boiynsha júzege asyryldy, –dep habarlady DSM sanitarlyq-epidemiologiialyq baqylaý komitetiniń resmi ókili Erjan Baitanaev.
Sondai-aq, ol qazirgi ýaqytta Aqtóbe oblysyndaǵy sanitarlyq-epidemiologiialyq ahýal turaqty, sondyqtan SOVID-19-ǵa bailanysty dezinfektsiialyq is-sharalar júrgizilmeitinin atap ótti.
Demek, taralǵan aqparat – feik. Videoda kóshetterdi ziiankesterge qarsy óńdeý barysy kórsetilgen, al óńirlerdi koronavirýstyq infektsiianyń taralý qarqyny boiynsha «sary» aimaqqa kóshirý josparda joq.
