"Aýyl mektebinde daryndy balalarmen jumys júrgizý". Bul — respýblikalyq seminarǵa túitkil bolǵan taqyryp. Ári aýylda talqylandy. Bilikti mamandar Qazyǵurt aýdanyndaǵy Jambyl Qapparov atyndaǵy №5 mamandandyrylǵan fizika-matematikalyq mektep-internatqa jinaldy, dep jazady otyrar.kz.
Bul bilim ordasy respýblika boiynsha úzdik 10 mekteptiń qataryna kiredi. Mektep túlekteri jyl saiyn úzdik kórsetkishke qol jetkizip keledi. Osy úzdik bilim ordasynda ótken seminarda ustazdar aýyl balalaryn tárbieleýdegi qupiialarymen bólisti.
Qatań bilim synaǵynan súrinbei ótken oqýshylarǵa ǵana esik ashatyn bilim ordasyndaǵy shákirtter ǵylym salasynda da óz súrleýin aishyqtap júr. Oqýshylar ózderi oilap tapqan tyń jańalyqtaryn seminarǵa qatysýshylardyń nazaryna usyndy. Maqtaýly oqý ordasynyń túlekteri jyl saiyn ulttyq biryńǵai testileýde dástúrli túrde joǵary kórsetkishke qol jetkizip, tolyqtai memlekettik grant iegeri atanady. Ozyq tehnologiialarmen jabdyqtalǵan mundai bilim oshaǵy oblys ortalyǵynyń ózinde neken-saiaq…
Abzal Áýezov, 10 synyp oqýshysy: «Meniń jumysym — qazirgi tańda keńinen qoldanylatyn sý elektr qurylǵysy. Elimizde de keńinen qoldanylýda. Aqbýra ózeniniń sýynan osy generatorlardy qýattandyryp, batareialarǵa jinap, ár úidi, kósheni jaryqtandyratyn bolady. Bolashaqta ár úi tabiǵi túrde taza ónim arqyly elektr qýatymen jaryqtandyrylatyn bolady.»
Bilim besigi oqýshylardyń jan-jaqty damýy úshin zamanaýi ozyq tehnologiiamen túgeldei jabdyqtalǵan. Seminar aiasynda ustazdar óz tájiribelerimen bólisip, ashyq sabaqtar ótti. Biliktiligi joǵary ustazdar úshin munda tolyq jaǵdaiy jasalǵan kottedjder de salynǵan.
Jańabai Ahmetov, J. Qapparov atyndaǵy №5 mamandandyrylǵan fizika-matematika baǵytyndaǵy mekteptiń direktory: «Mektebimiz — elimizdegi birden-bir kishkene ǵana aýylynda ornalasqan daryn mektebi. Aýylda ornalasqan mekteptiń jaǵdaiy qandai eken degen siiaqty kúmán bolýy múmkin. Búgin sony bári de kórdi. Mundaǵy oqyp jatqan oqýshylardyń bilim sapasy da, muǵalimderdiń biliktiligi de qalalyq daryn mektepterinen birde bir kem emes. Biylǵy oqý jylynyń qorytyndysy boiynsha 52 oqýshymyz mektep bitirip, 12-si «Altyn belgige», 12-si úzdik attestatqa bitirdi. 52 oqýshynyń 50-i elimizdegi eń tańdaýly oqý oryndarynda bilim alýda».
Kúmisbek Ábiuly, Saryaǵash aýdanyndaǵy №4 mamandandyrylǵan mektep internatynyń direktory: «Munda oqýshylarǵa bar jaǵdai jasalǵan. Barlyq kabinetterdi aralap kórdik. Balalardyń robot-tehnikasynan, basqa da pánderden jasaǵan eńbekteri orasan. Balalardy jaqsy daiyndap jatyr. Bul mektep talantty, erteń jaryp shyǵatyn, eldi jaqsylyqqa bastaityn balalardy tárbielep jatyr».
Mektep ákimshiligi aldaǵy ýaqytta túlekterdi álemniń mańdaialdy oqý oryndarynyń stýdenti atanýyna múmkindik beretin halyqaralyq bakalavriat uiymynyń oqý baǵdarlamalaryn engizýdi josparlap otyr. Elektrondy oqytý júiesin de qolǵa almaq. Bul, óz kezeginde, oqýshylardyń bilimin odan ári damytýǵa sep bolary sózsiz.
Maqpal Rysbaeva
