"اۋىل مەكتەبٸندە دارىندى بالالارمەن جۇمىس جٷرگٸزۋ". بۇل — رەسپۋبليكالىق سەمينارعا تٷيتكٸل بولعان تاقىرىپ. ەرٸ اۋىلدا تالقىلاندى. بٸلٸكتٸ ماماندار قازىعۇرت اۋدانىنداعى جامبىل قاپپاروۆ اتىنداعى №5 مامانداندىرىلعان فيزيكا-ماتەماتيكالىق مەكتەپ-ينتەرناتقا جينالدى, دەپ جازادى otyrar.kz.
بۇل بٸلٸم ورداسى رەسپۋبليكا بويىنشا ٷزدٸك 10 مەكتەپتٸڭ قاتارىنا كٸرەدٸ. مەكتەپ تٷلەكتەرٸ جىل سايىن ٷزدٸك كٶرسەتكٸشكە قول جەتكٸزٸپ كەلەدٸ. وسى ٷزدٸك بٸلٸم ورداسىندا ٶتكەن سەميناردا ۇستازدار اۋىل بالالارىن تەربيەلەۋدەگٸ قۇپييالارىمەن بٶلٸستٸ.
قاتاڭ بٸلٸم سىناعىنان سٷرٸنبەي ٶتكەن وقۋشىلارعا عانا ەسٸك اشاتىن بٸلٸم ورداسىنداعى شەكٸرتتەر عىلىم سالاسىندا دا ٶز سٷرلەۋٸن ايشىقتاپ جٷر. وقۋشىلار ٶزدەرٸ ويلاپ تاپقان تىڭ جاڭالىقتارىن سەمينارعا قاتىسۋشىلاردىڭ نازارىنا ۇسىندى. ماقتاۋلى وقۋ ورداسىنىڭ تٷلەكتەرٸ جىل سايىن ۇلتتىق بٸرىڭعاي تەستٸلەۋدە دەستٷرلٸ تٷردە جوعارى كٶرسەتكٸشكە قول جەتكٸزٸپ, تولىقتاي مەملەكەتتٸك گرانت يەگەرٸ اتانادى. وزىق تەحنولوگييالارمەن جابدىقتالعان مۇنداي بٸلٸم وشاعى وبلىس ورتالىعىنىڭ ٶزٸندە نەكەن-ساياق…
ابزال ەۋەزوۆ, 10 سىنىپ وقۋشىسى: «مەنٸڭ جۇمىسىم — قازٸرگٸ تاڭدا كەڭٸنەن قولدانىلاتىن سۋ ەلەكتر قۇرىلعىسى. ەلٸمٸزدە دە كەڭٸنەن قولدانىلۋدا. اقبۋرا ٶزەنٸنٸڭ سۋىنان وسى گەنەراتورلاردى قۋاتتاندىرىپ, باتارەيالارعا جيناپ, ەر ٷيدٸ, كٶشەنٸ جارىقتاندىراتىن بولادى. بولاشاقتا ەر ٷي تابيعي تٷردە تازا ٶنٸم ارقىلى ەلەكتر قۋاتىمەن جارىقتاندىرىلاتىن بولادى.»
بٸلٸم بەسٸگٸ وقۋشىلاردىڭ جان-جاقتى دامۋى ٷشٸن زاماناۋي وزىق تەحنولوگييامەن تٷگەلدەي جابدىقتالعان. سەمينار اياسىندا ۇستازدار ٶز تەجٸريبەلەرٸمەن بٶلٸسٸپ, اشىق ساباقتار ٶتتٸ. بٸلٸكتٸلٸگٸ جوعارى ۇستازدار ٷشٸن مۇندا تولىق جاعدايى جاسالعان كوتتەدجدەر دە سالىنعان.
جاڭاباي احمەتوۆ, ج. قاپپاروۆ اتىنداعى №5 مامانداندىرىلعان فيزيكا-ماتەماتيكا باعىتىنداعى مەكتەپتٸڭ ديرەكتورى: «مەكتەبٸمٸز — ەلٸمٸزدەگٸ بٸردەن-بٸر كٸشكەنە عانا اۋىلىندا ورنالاسقان دارىن مەكتەبٸ. اۋىلدا ورنالاسقان مەكتەپتٸڭ جاعدايى قانداي ەكەن دەگەن سيياقتى كٷمەن بولۋى مٷمكٸن. بٷگٸن سونى بەرٸ دە كٶردٸ. مۇنداعى وقىپ جاتقان وقۋشىلاردىڭ بٸلٸم ساپاسى دا, مۇعالٸمدەردٸڭ بٸلٸكتٸلٸگٸ دە قالالىق دارىن مەكتەپتەرٸنەن بٸردە بٸر كەم ەمەس. بيىلعى وقۋ جىلىنىڭ قورىتىندىسى بويىنشا 52 وقۋشىمىز مەكتەپ بٸتٸرٸپ, 12-سٸ «التىن بەلگٸگە», 12-سٸ ٷزدٸك اتتەستاتقا بٸتٸردٸ. 52 وقۋشىنىڭ 50-ٸ ەلٸمٸزدەگٸ ەڭ تاڭداۋلى وقۋ ورىندارىندا بٸلٸم الۋدا».
كٷمٸسبەك ەبيۇلى, سارىاعاش اۋدانىنداعى №4 مامانداندىرىلعان مەكتەپ ينتەرناتىنىڭ ديرەكتورى: «مۇندا وقۋشىلارعا بار جاعداي جاسالعان. بارلىق كابينەتتەردٸ ارالاپ كٶردٸك. بالالاردىڭ روبوت-تەحنيكاسىنان, باسقا دا پەندەردەن جاساعان ەڭبەكتەرٸ وراسان. بالالاردى جاقسى دايىنداپ جاتىر. بۇل مەكتەپ تالانتتى, ەرتەڭ جارىپ شىعاتىن, ەلدٸ جاقسىلىققا باستايتىن بالالاردى تەربيەلەپ جاتىر».
مەكتەپ ەكٸمشٸلٸگٸ الداعى ۋاقىتتا تٷلەكتەردٸ ەلەمنٸڭ ماڭدايالدى وقۋ ورىندارىنىڭ ستۋدەنتٸ اتانۋىنا مٷمكٸندٸك بەرەتٸن حالىقارالىق باكالاۆريات ۇيىمىنىڭ وقۋ باعدارلامالارىن ەنگٸزۋدٸ جوسپارلاپ وتىر. ەلەكتروندى وقىتۋ جٷيەسٸن دە قولعا الماق. بۇل, ٶز كەزەگٸندە, وقۋشىلاردىڭ بٸلٸمٸن ودان ەرٸ دامىتۋعا سەپ بولارى سٶزسٸز.
ماقپال رىسباەۆا
