Foto: Qaraǵandy oblysy PD baspasóz qyzmeti
Qaraǵyndy oblysynda million dozalyq sintetikalyq esirtkiniń zerthanasy tabyldy, dep habarlaidy Ult.kz.
Aimaq politsiia departamentiniń málimetinshe, jasyryn óndiris Soltústik-Batys aýyly aýmaǵynda ornalasqan. Tintý nátijesinde alty tonnaǵa jýyq prekýrsorlar men 35 kilogramm daiyn psihotroptyq zattar tárkilendi. Politsiianyń baǵalaýy boiynsha, bul kólem bir millionnan astam dozany óndirýge jetkilikti.
Shahtinsk qalasynyń eki turǵyny ustaldy. Tintý kezinde úide himiialyq zattary bar 355 kanistr, zerthanalyq jabdyqtar, sorý qondyrǵylary, indýktsiialyq plitalar, respiratorlar, sondai-aq úsh avtomobil tárkilendi.
Tergeý málimetteri boiynsha, kólik zańsyz maqsatta paidalanylýy múmkin.
Kúdiktiler ýaqytsha ustaý izoliatoryna qamaldy. Sotqa deiingi tergeý bastaldy.
Foto: Qaraǵandy oblysy PD baspasóz qyzmeti
Politseiler bul operatsiia nátijesinde qylmystyq shemaǵa jańa qatysýshylardyń, sonyń ishinde beibit turǵyndar arasynda qatysýdyń aldyn alýǵa bolatynyn aitty.
Ssintetikalyq esirtki óndirisi boiynsha jasyryn zerthana "Qarasora-2025"arnaiy operatsiiasy kezinde anyqtaldy.
