فوتو: قاراعاندى وبلىسى پد باسپاسٶز قىزمەتٸ
قاراعىندى وبلىسىندا ميلليون دوزالىق سينتەتيكالىق ەسٸرتكٸنٸڭ زەرتحاناسى تابىلدى, دەپ حابارلايدى Ult.kz.
ايماق پوليتسييا دەپارتامەنتٸنٸڭ مەلٸمەتٸنشە, جاسىرىن ٶندٸرٸس سولتٷستٸك-باتىس اۋىلى اۋماعىندا ورنالاسقان. تٸنتۋ نەتيجەسٸندە التى تونناعا جۋىق پرەكۋرسورلار مەن 35 كيلوگرامم دايىن پسيحوتروپتىق زاتتار تەركٸلەندٸ. پوليتسييانىڭ باعالاۋى بويىنشا, بۇل كٶلەم بٸر ميلليوننان استام دوزانى ٶندٸرۋگە جەتكٸلٸكتٸ.
شاحتينسك قالاسىنىڭ ەكٸ تۇرعىنى ۇستالدى. تٸنتۋ كەزٸندە ٷيدە حيمييالىق زاتتارى بار 355 كانيستر, زەرتحانالىق جابدىقتار, سورۋ قوندىرعىلارى, يندۋكتسييالىق پليتالار, رەسپيراتورلار, سونداي-اق ٷش اۆتوموبيل تەركٸلەندٸ.
تەرگەۋ مەلٸمەتتەرٸ بويىنشا, كٶلٸك زاڭسىز ماقساتتا پايدالانىلۋى مٷمكٸن.
كٷدٸكتٸلەر ۋاقىتشا ۇستاۋ يزولياتورىنا قامالدى. سوتقا دەيٸنگٸ تەرگەۋ باستالدى.
فوتو: قاراعاندى وبلىسى پد باسپاسٶز قىزمەتٸ
پوليتسەيلەر بۇل وپەراتسييا نەتيجەسٸندە قىلمىستىق سحەماعا جاڭا قاتىسۋشىلاردىڭ, سونىڭ ٸشٸندە بەيبٸت تۇرعىندار اراسىندا قاتىسۋدىڭ الدىن الۋعا بولاتىنىن ايتتى.
سسينتەتيكالىق ەسٸرتكٸ ٶندٸرٸسٸ بويىنشا جاسىرىن زەرتحانا "قاراسورا-2025"ارنايى وپەراتسيياسى كەزٸندە انىقتالدى.
