Búgin Pavlodar aýdany, Chernoiarka aýylynyń mańynan tabylǵan sybyrlaq aqqý oblys ortalyǵyna jetkizildi, dep habarlaidy QazAqparat Pavlodarnews.kz saityna silteme jasap.
Bul týraly Pavlodar oblystyq jer qoinaýyn paidalaný, qorshaǵan orta jáne sý resýrstary basqarmasy óziniń Instagram paraqshasynda jazdy.
- Pavlodar qalasynyń turǵyny Chernoiarka aýylynyń mańynda jas sybyrlaq aqqýdy taýyp alǵan. Ol butalardyń arasynda tyǵylyp qalǵan eken. Keiinirek Talǵat esimdi pavlodarlyq aqqýdy ormanshylarǵa jetkizdi. Kieli qusqa degen qamqorlyǵy úshin jerlesimizge alǵys bildiremiz, - delingen baspasóz habarlamasynda.
Óz kezeginde ormanshylar qusty «Jan» veterinarlyq klinikasyna jetkizdi. Sybyrlaq aqqýdy jiti teksergen mamandar onyń tumsyǵynyń jaraqattanǵanyn anyqtaǵan.
