بٷگٸن پاۆلودار اۋدانى, چەرنوياركا اۋىلىنىڭ ماڭىنان تابىلعان سىبىرلاق اققۋ وبلىس ورتالىعىنا جەتكٸزٸلدٸ, دەپ حابارلايدى قازاقپارات Pavlodarnews.kz سايتىنا سٸلتەمە جاساپ.
بۇل تۋرالى پاۆلودار وبلىستىق جەر قويناۋىن پايدالانۋ, قورشاعان ورتا جەنە سۋ رەسۋرستارى باسقارماسى ٶزٸنٸڭ Instagram پاراقشاسىندا جازدى.
- پاۆلودار قالاسىنىڭ تۇرعىنى چەرنوياركا اۋىلىنىڭ ماڭىندا جاس سىبىرلاق اققۋدى تاۋىپ العان. ول بۇتالاردىڭ اراسىندا تىعىلىپ قالعان ەكەن. كەيٸنٸرەك تالعات ەسٸمدٸ پاۆلودارلىق اققۋدى ورمانشىلارعا جەتكٸزدٸ. كيەلٸ قۇسقا دەگەن قامقورلىعى ٷشٸن جەرلەسٸمٸزگە العىس بٸلدٸرەمٸز, - دەلٸنگەن باسپاسٶز حابارلاماسىندا.
ٶز كەزەگٸندە ورمانشىلار قۇستى «جان» ۆەتەرينارلىق كلينيكاسىنا جەتكٸزدٸ. سىبىرلاق اققۋدى جٸتٸ تەكسەرگەن ماماندار ونىڭ تۇمسىعىنىڭ جاراقاتتانعانىن انىقتاعان.
